Тоҷикистону Беларус дар зинаи аввали «афзоиши асъори амрикоӣ» қарор гирифтанд

Қурби доллар дар кишварҳои Беларус ва Тоҷикистон афзойиш, ин нишондод дар миёни кишварҳои пасошӯравӣ аз ҳама болотар арзёбӣ гардид.

---

Тибқи як таҳқиқоти вижа, ки хабаргузории беларусии «БелаПан» анҷом додааст, дар нимсолаи аввал қурби доллар дар Беларус қариб шашуним ва дар Тоҷикистон 6 дарсад афзудааст. Ин дар ҳолест, ки қурби доллар дар Ӯзбакистон дар ин муддат 4,5, дар Арманистон 1,5 ва дар кишварҳои дигар камтар аз 1 дарсад боло рафта, дар Қазоқистон наздик ба 1 дарсад коҳиш ёфтааст. Литва и Латвия, бино бар омор, кишварҳое будаанд, ки аз лиҳози коҳиши қурби доллари амрикоӣ ба сафи аввал баромадаанд. Дар ин кишварҳо қурби доллар дар нимсолаи аввал 8 ва зиёда аз 8 дарсад пойин рафтааст.
Дар ҳамин ҳол, сомонаи расмии Бонки Миллии Тоҷикистон иттилоъ медиҳад, ки  1 июл ва рӯзҳои истироҳат чун чанд рӯзи пешин қурби доллари ИМА дар нуқтаҳои мубодилаи асъори ҷумҳурӣ боз каме паст шуда, ба ҳисоби миёна 4,7470-4,7630 сомонӣ 1 долл. ИМА-ро ташкил дод. Вале дар ин миён, қурбҳои миёна аз рӯи амалиёт бо рубли русӣ ва евро бошад андаке афзуда, 0,1691-0,1711 сомонӣ ба 1 рубли русӣ ва  6,8100-6,8300 сомонӣ ба 1 евро баробар шуданд.
Имрӯз қурби миёнаи асъори амрикоӣ дар нуқтаҳои мубодилаи асъори шаҳри Душанбе  дар ҳудуди 4,7660-4,7860 сомонӣ қарор дорад.{jathumbnail off}
Мӯҳр