Дар ҷаласаи Раёсати байналмилалии “Ташаббусҳои шаффофияти соҳаҳои истихроҷ” (ТШСИ), ки рӯзҳои 26-27-уми феврал, дар пойтахти Норвегия шаҳри Осло баргузор шуд, номзадии Тоҷикистон ба ин созмон қабул гардид.
Дар ин бора ба хабаргузории “Озодагон” аз хадамоти матбуоти Вазорати молияи Тоҷикистон хабар доданд.
Тимуралӣ Авғонов, сардори идораи сиёсати буҷавии соҳаҳои иқтисодиёти Вазорати молияи кишвар мегӯяд, ба сифати узви ин ташкилот, Тоҷикистон уҳдадор мешавад, даромадашро аз захираҳои табиӣ ошкор кунад:
“ТШСИ барои рушди соҳаҳои иқтисодиёт фазои мусоид фароҳам меорад, ҳамчунин имконият медиҳад, ки ҷомеаи шаҳрвандӣ, ширкатҳо ва ҳукумат проблемаҳои мавҷударо дар шароити баробар муҳокима намоянд”.Ба гуфтаи
Руҳулло Ҳакимов, муовини вазири молияи кишвар, ки дар ин ҷаласа ширкат доштааст,
“дар Тоҷикистон беш аз 600 кони маодин, аз қабили тилло, рӯҳ, алюминий ва ғайра кашф шудааст. Шаффофиятро дар бахши захираҳои табиӣ таъмин карда, мо метавонем сармоягузоронро ба ин бахш бештар ҷалб кунем”. Гуфта мешавад, ки акнун Тоҷикистон ҳамчун номзад ба узвият дар созмони “Ташаббусҳои шаффофияти соҳаҳои истихроҷ” уҳдадор аст, тӯли 2,5 сол ба ҳамаи талаботи ТШСИ ҷавобгӯ гардад.
Мӯҳр