Русский  >>  فارسی  >>  Панҷшанбе 8 декабр 2016, 19:06

Иттифоқи истеъмолгарон: “Барқи тоҷик” дастури ҳукуматро иҷро намекунад

2 март 2013, 09:01

Иттифоқи истеъмолгарони Тоҷикистон мегӯяд, дастури ҳукумат оиди таъминоти 12-соатаи мардуми навоҳӣ бо барқ пурра иҷро намегардад.

Масъулини ин созмон, ки таъминоти ҳаррӯзаи мардуми навоҳиро бо барқ пайгирӣ мекунанд ба хабаргузории “Озодагон” иттилоъ доданд, ки айни ҳол бештар аз нисфи ноҳияҳои кишвар дар як шабонарӯз аз 12 соат камтар барқ мегиранд. Манбаъ аз ҷумла мисол овард, ки 28-уми феврал ба ҷуз аз ноҳияҳои Ҳисор, Зафаробод, Спитамен, Тавилдара, Ҷаббор Расулов ва Ғончӣ дар навоҳии дигари кишвар мардум аз 12 соат камтар барқ гирифтааст. Ҳамсуҳбати мо ҳаҷми таъминоти барқро дар ноҳияи Рашт, Нуробод, Конибодом, Мастчои кӯҳӣ, Мастчо ва Ёвон ҳамагӣ 8 соат дар як шабонарӯз арзёбӣ карда, афзуд, ки дар ноҳияи Фархор ин нишондод ба 6 соат баробар будааст.

Ин дар ҳолест, ки қаблан Нозирҷон Ёдгорӣ, сухангӯи ширкати “Барқи тоҷик” дар суҳбат бо “Озодагон” изҳор дошт, ки бо дастури ҳукумати Тоҷикистон, сар аз 25 –уми феврал таъминоти мардуми навоҳӣ бо барқ ба 12 соат дар як шабонарӯз расонда шудааст. Ӯ гуфт, “бо назардошти шароити мусоиди истеҳсол ва интиқоли барқ дар кишвар ҳукумат дастур додааст, ки мардуми навоҳӣ дар як шабонарӯз на камтар аз 12 соат бо барқ таъмин гарданд. Ба муштариён аз соати 05:00 то соати 11-и рӯз ва аз соати 17 то 23-и шаб барқ дода мешавад.”

Дар мавриди санаи лағви пурраи лимит дар Тоҷикистон Ёдгорӣ таъкид кард, ки бо назардошти носозгориҳои эҳтимолии табиат ҳанӯз дақиқ нест. Ӯ афзуд, ки “Барқи тоҷик” ният дорад, таъминоти муштариёнро бо барқ зина ба зина зиёд намуда, лимитро нисбат ба солҳои пеш барвақттар бартараф кунад.


Шарҳи худро бинависед:

Ном:*
E-Mail:
Матни шарҳ:
Посух додан
  • Tojik

  • 2 март 2013 17:34
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Барқи тоҷик на ин ки дастури хукумат балки худи вичдонро ичро намекунанд

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!