Русский  >>  فارسی  >>  Сешанбе 6 декабр 2016, 10:48

Ғафур Раҳимов, яке аз сарони олами ҷиноӣ, таҳти пайгард қарор гирифт

6 март 2013, 13:38

Мақомоти Узбакистон, яке аз сарони олами ҷиноии ин кишвар, собиқ президенти Федератсияи бокси Осиё, Ғафур Раҳимовро мавриди пайгард қарор додааст.

Хабаргузориҳои Узбакистон бо такя ба иттилоияи Вазорати умури дохилии ин кишвар менависанд, Раҳимов дар қаллобӣ, пулшӯӣ ва истифодаи ҳуҷҷатҳои қалбакӣ муттаҳам мешавад. Дар иттилоияи мақомоти узбак омадааст, ки “нисбати Ғафур Раҳимов, соли таваллудаш 1951, зодаи Тошканд, миллаташ узбак , Хадамоти амнияти миллии Узбакистон парванда боз кардааст ва аз ҳамаи онҳое, ки дар бораи ҷойи будубоши ӯ иттилое доранд, хоҳиш карда мешавад, ки ба мақомот хабар диҳанд.”

Аз рӯи иттиҳомоте, ки мақомоти узбак алайҳи Раҳимов пеш гузоштааст, ба ӯ аз 10 то 15 соли зиндон таҳдид мекунад. Ғафур Раҳимов аз сарони олами ҷиноии аввали солҳои 90-уми асри гузашта ба шумор меравад, ки нимаи солҳои 90-ум талош кардааст аз ҷинояткорӣ дур шуда, тиҷоратҳояшро куллан қонунӣ гардонад.

Аммо тобистони соли гузашта ӯ аз вазифаи ноиби раиси Кумитаи миллии олимпии Узбакситон ба далели “тағйири шаҳрвандӣ” барканор шуда буд. Аз ин пештар Раҳимовро ҳамчун саркардаи гуруҳҳои созмонёфтаи ҷиноии Узбакистон, ки ба истеҳсолу интиқоли маводи мухаддир машғул ҳастанд, Амрико ба “рӯйхати сиёҳ” ворид намуда буд.

Айни ҳол маълум аст, ки Раҳимов табаияти Русияро дошта, дар Узбакистон иқомат намекунад. Тарки Ватан ва тағйири шаҳрвандӣ кардани Раҳимов аз суолҳои матраҳест, ки то ҳол ҷавоби мушаххас надорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!