Русский  >>  فارسی  >>  Панҷшанбе 19 январ 2017, 22:02

Додгоҳи Миср интихоботро ба таъхир гузошт

7 март 2013, 12:44

Додгоҳи идории Миср барои мавқуф гузоштани баргузории интихоботи парлумонии ин кишвар, ки интизор мерафт, авохири моҳи апрел баргузор шавад, дастур додааст.

Тавре расонаҳои дохилии ин кишвар иттилоъ медиҳанд, Додгоҳи идории Миср дирӯз, 6-уми март, дар ин бора фармонеро содир намуда, қонуни интихоботи парлумониро барои баррасӣ ба Додгоҳи олии конститутсионӣ ирсол намудааст. Ин дар ҳолест, ки аҳзоби мухолифи мисрӣ чанде қабл ба далели ислоҳталаб будани қонуни интихоботи парлумонии ин кишвар “байкот” эълон намуда буданд.

Амр Мусо, раиси Ҳизби кунгураи Миср ва узви Ҷабҳаи наҷоти миллии ин кишвар, аз ин қарори додгоҳ истиқбол намуда, онро як туҳфаи осмонӣ барои мардуми мисрӣ арзёбӣ намуд. Аз сӯйи дигар, Мурод Алӣ, яке аз намояндагони аршади Ҳизби ҳурият ва адолат ё худ ҳизби ҳоким мегӯяд, дар мавриди ирсол гардидани қонуни интихоботи парлумонӣ ба Додгоҳи олии конситутсионии Миср, ҳизбаш ҳеҷ гунна мухолафате надорад.

Ёдрас менамоем, ки Муҳаммад Мурсӣ, раисҷумҳури Миср як моҳ қабл аз сурат гирифтани интихоботи парлумонии кишвараш дар чаҳор марҳала хабар дода, замони баргузории онро авохири моҳи апрел эълон карда буд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Январ 2017    »
ДушСешЧорПанҶумШанЯкш
 1
2345678
9101112131415
16171819202122
23242526272829
3031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!