Русский  >>  فارسی  >>  Сешанбе 6 декабр 2016, 07:52

Раҳматулло Зоиров: "Мақомот дар талоши ҳабси ман аст"

7 март 2013, 14:39

Раҳматулло Зоиров, раиси Ҳизби умумимиллии сотсиал демократи Тоҷикистон ва яке аз номзадҳои эҳтимолӣ дар интихоботи президентии соли 2013, мегӯяд, мақомот ба ҳар васила ба ӯву наздикон ва ҳамкоронаш фишор меоранд. Ҷаноби Зоиров ин ҳамаро ба интихоботи президентии Тоҷикистон бастагӣ додааст, ки моҳи ноябри соли ҷорӣ баргузор хоҳад шуд.

Раҳматулло Зоиров дар изҳороти расмие, ки рӯзи ҳафтуми март бо номи "Интихоботи 2013: Боз чиро мунтазир шавем?" интишор дод, гуфтааст, қудратиҳои Тоҷикистон аз чанд нафар талаб кардаанд, ки алайҳи ӯ аризаи шикоятӣ нависанд. Ба гуфтаи Зоиров, аз 17-уми феврал инҷониб кормандони давлатӣ, аз ҷумла маъмурони пулис, ҷойи зист ва телефонхои ҳамкорони собиқ, ҳамзист ва хамсояҳояшро (аз соли 1992-1993 то инҷониб) муқаррар намуда, ба назди онҳо омадаанд ва аз чанд нафари онхо талаб намудаанд, ки алайҳи Зоиров ба мақомоти қудратӣ ариза пешниход намоянд.

“Аз ҷумла, кормандони ВКД, Бахтиёр Сафаров (тахминан 35 сола) ва Зарина (тахминан 45-47 сола), Сапарова У., Сапаров Ю. – ро аз шаҳри Душанбе ба вазорати корҳои дохилӣ оварда, талаб намудаанд, ки нисбати Зойиров ариза нависанд. Ду зани дигар бо номи Назира ва Муноҷот, сокинони пойтахтро ҳамин тавр пурсида, талаб мекунанд, ки онҳо хам ариза нависанд. Аз нохияи Ҷиликӯли вилояти Хатлон низ аз чанд шаҳрванд чунин дархост кардаанд. Аз ҳамаи номбаршудагон кормандони ВКД хоҳиш кардаанд, ки аз ҷузъиёти ин суҳбатҳо ба Зойиров хабаре надиҳанд”,-гуфт ӯ.

Зоиров таъкид мекунад, ки ҳамаи номбаршудагон собиқ ҳамзисту ҳамсояҳои ӯ будаанд: “ Мо, ки то имрӯз муносибати хуб дорем, онҳо аз навистани ариза бар зидди ман даст кашиданд ва ба ман хабар доданд.” Раиси ҲУСДТ мегӯяд, ин иқдоми мақомот як фишори равонӣ буда, ба интихоботи президентии моҳи ноябри соли равон рабт дорад. Дар ҳоле ки Ҷунбиши миллӣ, як созмони сиёсии сабтиномнашуда ӯро номзади худ дар интихоботи президентӣ дониста, аз дигарон низ хостааст, ки Зоировро пуштибонӣ кунанд. Гузашта аз ин, раиси ҲУСДТ Кумитаи тадорукот барои тағйири қонуни интихоботро ташкил дода, барои ислоҳи ин қонун талош дорад.

Бо ин ҳама, дар охири изҳороташ ҷаноби Зоиров гуфта, ки ҳарчанд онҳо барои ислоҳи қонунҳо ва ислоҳоти кадрӣ таош доранд, аммо ҳадафашон "вазифагирӣ" нест.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!