Русский  >>  فارسی  >>  Шанбе 10 декабр 2016, 19:37

Пулис тазоҳуротгаронро бо гулдаста пароканда кард

7 март 2013, 18:13

Тазоҳуротгарони ҷонибдори роҳбарони боздоштшудаи ҳизби “Ата-Жорт” дар шаҳри Ҷалолобод пароканда шудаанд ва қаҳрамонмодароне, ки бинои ҳукумати вилоятиро ишғол карда буданд, ба хонаҳояшон рафтанд.

Таалайбек Суусунбаев, масъули маркази матбуотии Вазорати умури дохилии Қирғизистон, дар суҳбат бо хабаргузории “Озодагон” изҳор дошт, ки тазоҳуротгарони ҷонибдори роҳбарони боздоштшудаи ҳизби “Ата-Жорт” айни ҳол пароканда шудаанд ва ваъда додаанд, ки баъди таҷлили 8-уми март аз нав гирди ҳам меоянд: “Айни ҳол вазъ дар шаҳри Ҷалолобод ва навоҳии атрофи он муътадил аст. Сардори мақомоти пулиси Ҷалолобод, Малик Нуридинов бо ташкилоткунандагони тазоҳурот ва 56 қаҳрамонмодаре, ки дар толори бинои ҳукумати маҳаллӣ қарор доштанд, гуфтушунид кард ва онҳо то анҷоми таҷлили 8-уми март биноро тарк карданд.”

Суусунбоев афзуд, ки сардори мақомоти пулиси Ҷалолобод қаҳрамонмодарони тазоҳуротгарро бо фарорасии 8-уми март табрик карда, ба онҳо гулдаста туҳфа кардааст. Тазоҳуротгарон талаб доранд, ки Қамчибек Ташиев, Садир Жапаров ва Талант Мамутов роҳбарони ин ҳизб, ки соли сипаришуда барои таҳрики нооромиҳо боздошт гардиданд, раҳо шаванд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!