Русский  >>  فارسی  >>  Якшанбе 11 декабр 2016, 09:06

Покистон барои омӯзиши роҳи Вахон-Читрол 1 млн евро дод

8 март 2013, 13:01

Дар пасманзари канор мондани Тоҷикистон аз роҳи оҳани Чин-Эрон сафири Покистон дар Душанбе гуфт, кишвараш барои омӯзиши лоиҳаи роҳи оҳани Вахон Читрол як миллион евро ҷудо кардааст.

Амҷад Ҳусайн Б.Сиал, сафири Покистон дар Тоҷикистон, дар суҳбат бо хабаргузории “Озодагон” роҳи оҳани Вахон-Читролро лоиҳаи афзалиятноки Исломободу Душанбе арзёбӣ карда, афзуд, ки Покистону Тоҷикистон дар мавриди ин роҳ ба созиш омадаанд: “Айни ҳол барои омода ва татбиқ кардани ин лоиҳа музокирот бо ҳукумати Афғонистон идома дорад. Покистон барои омӯзиши ин лоиҳа аз тарафи мушовирони байналмилалӣ як миллион евро ҷудо намуд.”

Роҳи нав қарор аст, ноҳияи Читроли Покистонро ба воситаи Бадахшони Афғонистон ба ноҳияи Ишкошими Тоҷикистон васл кунад ва тавасссути он кишварҳои Осиёи Марказӣ бо бандаргоҳҳои Карочиву Гводар ва уқёнуси ҷаҳонӣ дастрасӣ пайдо хоҳанд кард.

Баъди дар канор мондан аз роҳи оҳани Чин-Эрон барои Тоҷикистон роҳи Вахон-Читрол ягона тарҳе боқӣ мондааст, ки татбиқи он ин кишварро бо уқёнус ва роҳҳои баҳрӣ пайваст хоҳад кард. Арзиши пешакии роҳи оҳани Вахон-Читрол беш аз 600 миллион доллар арзёбӣ мегардад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!