Гузаштан ба низоми нави таълим барои мактабҳо шароити мусоид ба вуҷуд овард

Таъмиру тармими мактаби таҳсилоти ҳамагонии рақами 51 дар ноҳияи Рӯдакӣ идома дорад.

---

Тибқи иттилои хабарнигори маҳаллии «Озодагон» корҳои сохтмонӣ ва тармимро худи омӯзгорон ба зимма гирифтаанд. Насриддин Давлатов ва Амриддин Холов муаллимони ин таълимгоҳ деворҳои берунии мактаб ва синфхонаҳоро рангу бор намуда, бо сифати баланд корҳои таъмириро идома медиҳанд.

Сарвари мактаб Меҳириддин Назаров мегӯяд, бо гузаштан ба низоми маблағгузории сарикасӣ тайи чанд соли ахир, мо мактабро натанҳо аз таъмири хушсифат баровардем, балки ашёву ҷиҳоз ва асбобҳои хонишро бемамониат харидорӣ намудем. Ба замми ин тасмим гирифтаем, имсол фарши 8 синфхонаи дигарро тахтагин кунем. Қаблан 8 синфхонаро сохтмончиёни як ширкати бинокории ноҳия, фаршашро аз нав пўшида буданд. Гуфта мешавад, барои корҳои таъмиру тармим ба мактаб аз шӯъбаи молияи ноҳия  3 ҳазору 160 сомонӣ ҷудо гардидааст.

 

Мӯҳр