“Тоҷик Эйр” нишасти садамавии ҳавопаймояшро рад кард
Ширкати “Тоҷик Эйр” хабари расонаҳои хориҷиро дар мавриди нишасти садамавии ҳавопаймои ин ширкат дар фурудгоҳи шаҳри Жезказгани Қазоқистон рад кард.
Тибқи иттилои хабаргузориҳои хориҷӣ ҳавопаймои “Airbus 320”-и “Тоҷик Эйр” шаби гузашта соати 12:50 бо вақти Остона дар фурудгоҳи Жезказгани Қазоқистон бо 150 мусофир нишасти садамавӣ анҷом додааст. Ба навиштаи расонаҳо дар тайёра, ки аз Душанбе ба Екатиринбург парвоз мекардааст, қисмати таъминоти сӯзишворӣ корношоям шудааст.
Аммо Лола Кенҷаева, сухангӯи ширкати “Тоҷик Эйр” дар суҳбат бо хабаргузории “Озодагон” ин хабарҳоро рад карда, афзуд, ки ширкаташон тайёраи Airbus надорад ва вақтҳои охир ягон мавриди нишасти садамавӣ аз ҷониби ҳавопаймоҳояшон сабт нашудааст. Кенҷаева илова кард, ки тибқи иттилои расида, ин тайёраи ширкати “Ист Эйр” будааст, ки дар Қазоқистон нишасти садамавӣ содир кардааст.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |