Русский  >>  فارسی  >>  Шанбе 3 декабр 2016, 05:22

Боздошти қоҷоқбари симоби заҳрогин дар Душанбе

12 март 2013, 17:05

Оҷонсии мубориза бо маводи мухаддири Тоҷикистон дар истгоҳи роҳи оҳани шаҳри Душанбе бо иттиҳоми фурӯши моддаи заҳрогини симоб, як сокини ноҳияи Конибодоми вилояти Суғдро дастгир кардааст.

Тавре Бобоҷони Шафеъ, сухангӯи Оҷонсии мубориза бо маводи мухаддир ба хабаргузории “Озодагон” иттилоъ дод, ҳангоми боздошт аз дастгиршуда ба миқдори 500 грамми ин моддаи заҳрнок кашф ва мусодира гардид. Аз рӯи ин ҳодиса тибқи моддаи 206, қисми 2-и Кодекси ҷиноии Тоҷикистон (муомилоти ғайриқонунии моддаҳои сахттаъсир ва заҳрогин бо мақсади фурӯш) парвандаи ҷиноятӣ оғоз гардида, тафтишот идома дорад.

Оҷонсии мубориза бо маводи мухаддир мегӯяд симоб шомили моддаҳои заҳрогини хатарноки навъи аввал мебошад. Ҳарчанд нафас кашидан аз буғи симоб касро фавран намекушад, вале он амалан аз бадани инсон берун намеравад. Тибқи меъёрҳои санитарӣ-гигиенӣ нигаҳдории он дар минтақаи корӣ набояд аз 0,017 мг ба м3 бештар бошад. Ин ба он маъност, ки симоби аз як ҳароратнсанҷ хориҷшуда метавонад 10 млн метри мукааб ҳаворо заҳролуд кунад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!