Русский  >>  فارسی  >>  Сешанбе 6 декабр 2016, 15:09

Раҳмон аз Фишер расман истиқбол мекунад

13 март 2013, 10:01

Имрӯз, соати 9:45 дақиқа дар “Кохи Миллат” маросими расмии истиқбол аз Ҳайнс Фишер, раисиҷумҳури Австрия оғоз мегардад.

Тибқи иттилои Вазорати умури хориҷии Тоҷикистон баъди маросими истиқбол, мулоқоти як ба яки Ҳайнс Фишер ва президенти Тоҷикистон Эмомалӣ Раҳмон оғоз мешавад. Дар паи ин нишасти ҳайатҳои васеи Австрия ва Тоҷикистон ба нақша гирифта шудааст, ки зимни он рушди муносиботи иқтисодию сиёси ин ду кишвар баррасӣ мегарданд.

Тибқи иттилои Вазорати корҳои хориҷаи Тоҷикистон боздиди Фишер аз Душанбе то 14-уми март идома дошта, дар доираи он раисони ҷумҳуриҳои Тоҷикистону Австрия дар маросими ифтиттоҳи анҷумани соҳибкрони ду кишвар иштирок мекунанд.

Баъди боздид аз Тоҷикистон Фишер ба Қирғизистон меравад. Ин нахустин сафари расмии президенти Австрия ба ин кишварҳои Осиёи Марказӣ буда, дар анҷоми он имзои созишномаҳои ҳамкорӣ дар бахшҳои гуногун дар назар аст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!