Русский  >>  فارسی  >>  Сешанбе 6 декабр 2016, 10:47

Гуруснанишинии вазири тоҷик алайҳи ҳукми додгоҳи шаҳри Бишкек

14 март 2013, 09:36

Равшан Собиров, вазири пешини рушди иҷтимоии Қирғизистон ва раҳбари ҷамъияти тоҷикони ин кишвар, гуруснанишинӣ эълон кардааст. Дар ин бора ба «Озодагон» наздикони ӯ хабар дода ва гуфтанд, эътирози Собиров алайҳи ҳукми додгоҳи Бишкек аст, ки ӯро ба панҷ соли зиндон маҳкум ва амволашро мусодира кард.

Ба қавли наздикони ӯ, Равшан Собиров аз бемории қалб азият мекашад ва лаҳза ба лаҳза ба кумаки табибон ниёз дорад. Онҳо мегӯянд, вазири собиқ аз ҷои нигаҳдорӣ ва муносибати маъмурони амниятӣ розист ва танҳо мехоҳад ҳукми додгоҳ бозбинӣ шавад.

Рӯзи ҳафтуми марти соли ҷорӣ Додгоҳи шаҳри Бишкек мурофиаи Равшан Собировро ба поён бурда, ӯро ба панҷ соли зиндон маҳкум кард. Ин додгоҳ ҳамчунин гуфт, тамоми амволи Собиров бояд мусодира гардад.

Равшан Собиров ба он айбдор шудааст, ки дар замони вазири рушди иҷтимоии ин кишвар буданаш гӯиё ба ришвахӯрӣ даст задааст. Парванда алайҳи ӯ бо нишондоди собиқ ёвараш, Тоҳир Мирзоаҳмадов оғоз гардида буд, ки 4-уми июли соли 2012, зимни гирифтани ришва аз як ширкати итолиёвӣ дастгир шудааст. Ӯ изҳор доштааст, ки маблағро бо дастури Собиров гирифтааст, вале баъдан эътирофоташро ба манфиати Равшан Собиров тағйир дода буд.

Равшан Собиров, ки моҳи декабри соли 2011 вазири рушди иҷтимоии Қирғизистон таъин гардид, моҳи июли соли 2012 дар робита ба иттиҳомот дар фасодкорӣ муваққатан аз ин мансаб барканор гардид. Ӯ панҷуми июли соли 2012 боздошт ва ба боздоштгоҳи Кумитаи амнияти миллии Қирғизистон интиқол ёфта буд. Додгоҳи ноҳияи Первомайски Бишкек, Собировро моҳи ноябри соли 2012 «сафед» эълон кард. Аммо додситонии кулли Қирғизистон парвандаи Собировро аз нав ба баррасӣ гирифта, ба додгоҳ ирсол намуд, ки бо панҷ сол ҳукми зиндон ва мусодираи амволаш поён ёфт.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!