Русский  >>  فارسی  >>  Шанбе 3 декабр 2016, 09:43

МТС дар моҳи апрел Узбакистонро тарк мекунад

14 март 2013, 15:00

Ширкати русии «МТС» эҳтимол моҳи апрели соли ҷорӣ бозори алоқаи Узбакистонро тарк намояд.

Дар ин бора Владимир Евтушенков, як масъули МТС дар суҳбат бо расонаҳои Русия изҳор доштааст.

Масъулини МТС мегӯянд, то он даме, ки таҷҳизоти ин ширкат дар Узбакистон боқӣ мемонад, кормандони он фаъолияти худро идома медиҳанд. Ахиран Додгоҳи иқтисодии Тошканд ба расмият шинохтани муфлисшавии ширкати “Уздунробита”, намояндаи МТС дар Узбакистонро рад карда, мурофиаи навбатии қазияро ба 22-юми апрел мавқуф гузоштааст.

Сабаби аслии берун шудани МТС аз бозори алоқаи Узбакистон, варшикастагии ширкати “Уздунробита” арзёбӣ мешавад, ки моҳи январи соли 2013 барои муфлис эълон шуданаш ба додгоҳ муроҷиат намуда буд. Тибқи қонунгузори Узбакистон ширкате, ки уҳдадориҳояшро дар назди додгоҳ иҷро карда наметавонад, дархости муфлисшавӣ мекунад.

Айни ҳол алайҳи МТС дар додгоҳҳои Узбакистон ба маблағи 600 миллион доллар даъво пешниҳод шудааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!