Русский  >>  فارسی  >>  Панҷшанбе 25 май 2017, 06:15

Вокуниши вакили мудофеи Абдуллоҷонов ба ҳукми додгоҳ

15 март 2013, 22:10

Андрей Федур, вакили мудофеи Абдумалик Абдуллоҷонов, дар сӯҳбат бо «Озодагон» гуфт, ҳукми додгоҳи Шевченко маънои истирдоди нафари таҳти ҳимояташ ба Тоҷикистонро надорад. Ба қавли ӯ, ин танҳо мӯҳлатест, ки тамоми аснод ва далелҳо тафтиш ва пас аз он хулосаи ниҳоӣ бароварда хоҳад шуд.

Бо ин ҳол Федур мегӯяд, ҳукми додгоҳи Шевченко нишон медиҳад, ки Украина на меъёри қонунҳои ин кишвар ва на меъёрҳои байналмилалиро риоят намекунад. Ӯ гуфт, онҳо то панҷ рӯзи дигар фурсат доранд, ки аз болои ин ҳукм ба додгоҳи шаҳри Киев муроҷиат карда, бознигарии онро тақозо кунанд. Андрей Федур изҳори умед кард, ки ҳукми додгоҳи Шевченко нисбат ба Абдуллоҷонов ҳукми қонунӣ намегирад ва ӯ базудӣ аз боздошт раҳо хоҳад шуд.

Рӯзи 15-уми март додгоҳи ноҳияи Шевченкои Киев ҳукм кард, ки Абдумалик Абдуллоҷонов, нахуствазири собиқи Тоҷикистон, то як сол дар боздошт хоҳад буд. Ин ҳукм дар ҳоле эълон шуд, ки қарор аст, рӯзҳои 17-18-уми марти соли ҷорӣ Виктор Янукович, раисиҷумҳури Украина бо як сафар ба Душанбе омада, бо мақомоти баландпояи Тоҷикистон дидору мулоқот анҷом бидиҳад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Май 2017    »
ДушСешЧорПанҶумШанЯкш
1234567
891011121314
15161718192021
22232425262728
293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!