Русский  >>  فارسی  >>  Якшанбе 4 декабр 2016, 15:13

Достиев: "Ҷорӣ кардани виза бо Тоҷикистон ба зарари Русия аст"

19 март 2013, 10:11

Абдумаҷид Достиев, сафири Тоҷикистон дар Русия мегӯяд, Маскав дар ягон маврид барои Тоҷикистон низоми раводид ҷорӣ намекунад.

Достиев дар суҳбат бо хабаргузории “Озодагон” пешниҳодҳои охирро дар мавриди ҷорӣ намудани виза бо Тоҷикистон бозии сиёсатмадорҳои Русия унвон кард: “Баъзе мансабдорҳо ва гуруҳҳои сиёсӣ барои дастёбӣ ба холҳои бештар масъалаи визаро ба миён мегузоранд. Аз ҷумла коммунистҳо дар Думаи давлатии Русия чунин пешниҳод кардаанд.”

Достиев изҳори боварӣ намуд, ки ҳукумати Русия дар ягон маврид бо Тоҷикистон виза роҳандозӣ намекунад, чун “ҷорӣ намудани раводид Русияро ба унвони як кишвари абарқудрат аз давлатҳои минтақаи Осиёи Миён дур мекунад ва мавқеашро дар минтақа заиф месозад.”

Ин дар ҳолест, ки бархе аз сиёсатмадорон ва ҷомеаи шаҳрвандии Русия, аз ҷумла соҳибкори маъруфи ин кишвар, Михаил Прохоров барои коҳиш додани муҳоҷирати ғайриқонунӣ ва интиқоли маводи мухаддир пешниҳод доранд, ки бо Осиёи Миёна виза ҷорӣ гардад. Аммо мақомоти баландпояи Русия мегуянд, нияти ҷорӣ намудани виза бо кишварҳои Осиёи Миёнаро надоранд. Аз ҷумла Константин Ромадановский, сардори Хадамоти муҳоҷирати Русия, визаро бо кишварҳои Осиёи Миёна хилофи аҳдофи гузоштаи Владимир Путин гуфт, ки ният дорад, тавассути созмони Иттиҳоди Авруосиё ҳаракати бемонеаи пул, нерӯи корӣ ва сармоягузоронро дар минтақа таъмин намояд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!