Русский  >>  فارسی  >>  Чоршанбе 24 май 2017, 10:54

Зариф Ализода далели ошкорбаёниашро гуфт

19 март 2013, 11:45

Зариф Ализода, омбудсмени Тоҷикистон, хусусияти интиқодӣ доштани гузориши ахираш оид ба вазъи ҳуқуқи инсон дар кишварро натиҷаи шиносоӣ бо вазъи воқеӣ дар кишвар гуфт.

Зариф Ализода дар суҳбат бо хабаргузории “Озодагон” гуфт, ҳеҷ ниҳоде дар марҳилаи аввали фаъолияташ наметавонад, гузориши фарогири воқеиятро оид ба вазъи ҳуқуқи инсон дар кишвар таҳия кунад. Ализода дар гузориши ахири худ ба раисиҷумҳури Тоҷикистон ва ниҳодҳои дигари кишвар бештар ба қазияҳои додгоҳӣ, нақзи ҳуқуқи сокинон ва бастани сайтҳои интернетӣ таъкид кардааст.

Ӯ нисбатан “воқеӣ” будани гузориши ахирашро дар он гуфт, ки бо гузашти солҳо ҳамкориро бо созмонҳо ҷамъиятӣ беҳтар ба роҳ монда таҳлилҳои амалӣ гузаронда истодаанд. Ализода мегӯяд, дар гузориши ҷадидаш норасоиҳоеро зикр кардааст, ки дар фаъолияти мақомоти давлатӣ ва қонунгузорӣ мушоҳида шудааст. Барои бартараф кардани ин камбудҳо идораи ваколатдор оиди ҳуқуқи инсон 93 нуктаро пешниҳод кардааст, ки дар оянда мавриди амал қарор хоҳанд гирифт. Ализода афзуд, ки “бо ниҳодҳои давлатӣ, мақомоти қудратӣ созмонҳои ҷамъиятӣ ҳамкории зич ба роҳ мондем. Барои ба даст овардани иттилои бештар дар 8 минтақаи кишвар қабулгоҳҳо таъсис додем.”

Зариф Ализода таъкид, кард, ки бо вуҷуди баъзе камбудҳо дар маҷмуъ вазъи ҳуқуқи инсон дар кишвар мусбат аст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Май 2017    »
ДушСешЧорПанҶумШанЯкш
1234567
891011121314
15161718192021
22232425262728
293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!