Русский  >>  فارسی  >>  Шанбе 10 декабр 2016, 13:49

Аҳмад Валӣ Масъуд: Дахолати кишварҳои абарқудрат сабаби нооромии Афғонистон аст

6 июл 2011, 03:23

Омили аслии қазияи нооромӣ ва ҷангҳои тӯлонӣ дар Афғонистон ва  рӯи кор наомадани давлати муқтадири миллӣ дар ин кишвар ҷой доштани нигоҳҳои қавмӣ, рақобат байни давлатмардон ва дахолати кишварҳои абарқудрат дар Афғонистон аст.


Ин нуктаро зимни як ҳамойиши вижаи байналмилалӣ дар Душанбе  оид ба авзоъи Афғонистон Аҳмад Валӣ Масъуд, сиёсатшинос, дипломат ва ҳамзамон бародари қаҳрамони шаҳид Аҳмадшоҳ Масъуд иброз дошт. Нишасти мазкур, ки таҳти унвони  «Низоъ ва сулҳсозӣ дар Афғонистон: ҳолат ва дурнамо» ду рӯз боз дар пойтахти Тоҷикистон идома дорад, умдатарин масоили марбут ба ҳамсоякишвари моро матраҳ месозад.

Сайфулло Сафаров, муовини директори маркази тадқиқоти стратегӣ бар ин назар аст, ки қазияи Афғонистон танҳо мушкилоти ин кишвар набуда, он мушкилоти минтақа ва ҷаҳон аст. Масъули дигари ҳамин марказ- Абдунабӣ Сатторзода андешаҳои ҳамкорашро тақвият бахшида мегӯяд, то ҳанӯз роҳи одилонаи ҳалли қазияи Афғонистон муайян нашудааст, кишварҳои минтақа ва ҷаҳон набояд аз авзои феълии Афғонистон истифода намоянд, балки барои фароҳам овардани шароити сулҳу истиқрори миллӣ  ва таҳкими суботу бозсозию пешрафтҳо дар ин сарзамин мусоидат намоянд, зеро Афғонистон кафили сулҳ дар минтақа ва ҷаҳон аст. Иддае аз коршиносони масоили сиёсӣ мушкилоти Афғонистонро дар мавқеияти хоси ҷуғрофӣ ва стратегии он мебинанд. Зикр гардид, ки маҳз дар қалби Осиё қарор доштани Афғонистон ва дорои захираҳои бузурги табиӣ будани  ин кишвар таваҷҷӯҳи давлатҳои абарқудрати ҷаҳон ба ин сарзамин бештар гардида,  тӯли беш аз  30 сол аст, ки Афғонистон ҳамчун кишвари ҷангзада дар харитаи сиёсии ҷаҳон нуқтаи доғи сайёра маҳсуб мешавад…

Мусоҳиба бо бародари қаҳрамони миллии Афғонистон, шаҳид Аҳмадшоҳ Масъуд- Аҳмад Валӣ Масъуд бо нишонии зер қобили дарёфт аст: http://ozodagon.com/suhbati-ruz/1191-2011-07-05-12-18-02.html

 

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!