Русский  >>  فارسی  >>  Панҷшанбе 8 декабр 2016, 14:53

3 голи беҷавоби мунтахаби Тоҷикистон бар Макао

19 март 2013, 12:05

Дастаи мунтахаби миллии футболи Тоҷикистон бозии дуюмашро дар мусобиқаи интихобии Ҷоми даъвати AФК-2014 бо тими Макао анҷом дод. Дар дақиқаи 57-уми ин бозӣ дар варзишгоҳи ба номи Долон Омурзоқов, дар Бишкек футболбозони тоҷик тубро вориди дарвозаи ҳарифашон карда, ҳисобро ба 0:1 расонданд. Дар дақиқаи 84-уми дидор голи дуюм ва дар дақиқаи дуюми вақти иловагӣ футболбозони тоҷик голи сеюми худро ба дарвозаи ҳариф ворид намуданд. Бозӣ 0:3 ба фоидаи мунтахаби Тоҷикистон анҷом ёфт.

Дастаи мунтахаби Тоҷикистон дар мусобиқаи интихобии Ҷоми даъвати АФК дар гурӯҳи “В” инчунин бо тими миллии Қирғизистон дидор анҷом хоҳад дод. Ин бозӣ низ дар пойтахти Қирғизистон, дар варзишгоҳи ба номи Долон Омурзоқов, то 21-уми марти соли ҷорӣ баргузор мешаванд. Панҷ дастаи ғолиби гурӯҳҳо, инчунин, ду дастаи беҳтарини ҷойҳои дувумро ишғолкарда ба мунтахаби Ҷазоири Молдив, ки ҳамчун мизбони Ҷоми даъвати АФК-2014 бидуни рақобат ба ҳаққи ширкат дар сабқати ниҳоӣ мушарраф шудааст, ҳамроҳ мешаванд. Барандаи Ҷоми даъвати АФК-2014 ба Ҷоми Осиё-2015 дар Австралия роҳхат мегирад.

Ёдовар мешавем, дастаи мунтахаби миллии футболи Тоҷикистон дар мусобиқаи интихобии Ҷоми даъвати AFC-2014 рӯзи, 17-уми март, дар Бишкек бар мунтахаби Покистон бо ҳисоби 1:0 пирӯз шуд. Голи ягонаи сабқатро Хуршед Маҳмудов, капитани дастаи мунтахаби Тоҷикистон, дар дақиқаи 89-уми дидор ба дарвозаи ҳариф ворд намуда буд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
О брато шумо ховен чи? Точикистон 3:0 бурид бозира.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!