Русский  >>  فارسی  >>  Сешанбе 6 декабр 2016, 17:10

Сафорати Эрон: Ифтитоҳи “Сангтӯда-2” ба таъхир афтод

19 март 2013, 14:27

Сафари Маҳмуди Аҳмадинажод, раисиҷумҳури Эрон, ба Тоҷикистон, ки дар назар буд, зимни он нерӯгоҳи “Сангтӯда 2” пурра фаъол шавад, то моҳи апрел ба таъхир афтод.

Дар ин бора ба хабаргузории “Озодагон” Алиасғари Шеърдуст, сафири Эрон дар Тоҷикистон хабар дод. Ба гуфтаи Алиасғари Шеърдуст ба далели баъзе чорабиниҳои наврӯзӣ дар худи Эрон ва Туркманистон, Маҳмуд Аҳмадинажод наметавонад рӯзҳои 25-26-уми март ба Душанбе ояд: “Раисони ҷумҳуриҳои Тоҷикистону Эрон дар доираи таҷлили Наврӯз дар Ашқобод мулоқот хоҳанд кард ва ҳамкориҳоро баррасӣ мекунанд. Баъдан моҳи апрел Аҳмадинажод ба Душанбе меояд.”

Дар ҳамин ҳол Алиасғари Шеърдуст афзуд, ки ифтиттоҳи нерӯгоҳи “Сангтуда-2” ҳам барои чанд ҳафта ба таъхир меафтад. Шеърдуст рабт доштани ин таъхирро ба қарздории “Барқи тоҷик” аз “Сангтуда-2”, ки 12 миллион долларро ташкил медиҳад, рад кард.

Ин дар ҳолест, ки қаблан хабаргузориҳои Эрон аз қавли Пӯлод Муҳиддинов, муовини аввали вазири энержӣ ва саноати Тоҷикистон хабар доданд, ки сарфи назар аз қарздории “Барқи тоҷик”, охирҳои моҳи март “Сангтӯда-2” пурра ба кор медарояд. Аммо дар суҳбат бо хабаргузории “Озодагон” Пӯлод Муҳиддинов аз шарҳи ин мавзӯъ худдорӣ кард.

“Сангтӯда 2” калонтарин тарҳи Эрон дар Тоҷикистон аст, ки бо 180 миллион доллар саҳми Эрон ва 40 миллион доллари худи Тоҷикистон сохта шуда, баъди ифтиттоҳи пуррааш тавлиди барқ дар Тоҷикистон соле то 1 миллиард килловат бештар мешавад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!