Русский  >>  فارسی  >>  Шанбе 10 декабр 2016, 23:29

Баҳси Кабирӣ ва ҳукумати Душанбе аз нав баррасӣ мешавад

19 март 2013, 15:35

Баррасии баҳси Муҳиддин Кабирӣ, вакили парлумон ва шаҳрдории Душанбе дар Додгоҳи таҷдиди назар ё кассатсионӣ аввали моҳи апрел аз сар гирифта хоҳад шуд.

Бузугмеҳр Ёров, вакили мудофеи Муҳиддин Кабирӣ, вакили парлумон ва раиси Ҳизби наҳзати исломии Тоҷикистон, дар суҳбат бо “Озодагон” гуфт, аз болои ҳалномаи Додгоҳи ноҳияи Исмоили Сомонӣ ба Додгоҳи кассатсионӣ шикоят кардаанд ва баррасии он аввали моҳи оянда сурат мегирад.

Қаблан, ҳукумати Душанбе ба додгоҳ шикоят бурда, талаб намуд, ки Муҳиддин Кабирӣ барои суханони "носазо" дар бораи вазъи экологии пойтахт, аз шаҳрдорӣ маъзарат пурсад. Асоси даъвои шаҳрдорӣ як матлабе, таҳти унвони “10 сол пас Душанбе урён мешавад” буд, ки дар он Муҳиддин Кабирӣ аз дарахтбуриҳо дар хиёбонҳои пойтахт изҳори ташвиш мекард. Додгоҳи Исмоили Сомонӣ 29-уми январи соли равон қарор кард, ки бояд барои суханҳояш дар бораи вазъи экологии Душанбе, раҳбари ҲНИТ аз тариқи васоити ахбори умумии кишвар, аз шаҳрдорӣ узрхоҳӣ намояд.

Ин дар ҳолест, ки Муҳиддин Кабирӣ дар яке аз вохӯриҳояш гуфта буд, мехоҳад ин масъаларо бо роҳи мусолиҳа ҳал кунад. Ҷаноби Кабирӣ далелҳои пешниҳоднамудаи шаҳрдориро беасос хонда гуфта буд: “Вақте ки навори баромадро бо стенограмма дар Маҷлиси Олӣ баррасӣ намудаанд, ба хулоса омаданд, ки ягон қонунвайронкунӣ нест.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!