Русский  >>  فارسی  >>  Сешанбе 6 декабр 2016, 07:54

Бозии ҳалкунандаи Тоҷикистону Қирғизистон дар Бишкек

20 март 2013, 11:01

Фардо, 21-уми март, дастаи мунтахаби миллии футболи Тоҷикистон бозии сеюмашро дар мусобиқаи интихобии Ҷоми даъвати AФК-2014 мунтахаби Қирғизистон анҷом медиҳад.

Ин бозии охирон ва барои ҳардуи даста ҳалкунанда буда, дар варзишгоҳи Долен Омурзоқови Бишкек соати 15 ба вақти Душанбе шурӯъ мешавад. Дар сурати мусовӣ анҷом ёфтани бозӣ мунтахаби Тоҷикистон имкон дорад, ки ба марҳилаи ниҳоӣ роҳ ёбад. Вале мунтахаби Қирғизистон танҳо дар сурати пирӯз шудан ба давраи ниҳоӣ роҳхат гирифта метавонад.

Тибқи низомномаи мусобиқа панҷ дастаи ғолиби гурӯҳҳо, инчунин, ду дастаи беҳтарини ҷойҳои дувумро ишғолкарда ба мунтахаби Ҷазоири Молдив, ки ҳамчун мизбони Ҷоми даъвати АФК-2014 бидуни рақобат ба ҳаққи ширкат дар сабқати ниҳоӣ мушарраф шудааст, ҳамроҳ мешаванд. Барандаи Ҷоми даъвати АФК-2014 ба Ҷоми Осиё-2015 дар Австралия роҳхат мегирад.

Феълан дар ҷадвали гурӯҳи “В” дастаҳои Тоҷикистон ва Қирғизистон бо 6 имтиёзӣ пешсафанд. Дастаҳои Покистон ва Макао имтиёз бадаст наовардаанд ва аз ҳаққи ширкат дар сабқати ниҳоӣ маҳрум шудаанд.
Ёдовар мешавем, дастаи мунтахаби миллии футболи Тоҷикистон дар мусобиқаи интихобии Ҷоми даъвати AFC-2014 рӯзи, 17-уми март, дар бозии аввалинаш дар Бишкек бар мунтахаби Покистон бо ҳисоби 1:0 пирӯз шуда буд. Рӯзи 19-уми март бошад дар бозии дуюмаш мунтахаби Макаоро бо ҳисоби 3 бар 0 шикаст дод.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!