7-уми июл ба пойтахти кишвар бо ташаббуси маорифчиёни ҷумҳурӣ корвони китоб ворид мегардад.
Зимнан, дар маросими супоридани китобҳо ба китобхона ва осорхонаи миллии ҷумҳурии Тоҷикистон масъулини баландпояи вазороти маориф ва фарҳанг, намояндагони институтҳои шаҳрвандию васоити ахбори омма ширкат хоҳанд кард. Тавре ба «Озодагон», Ноилшо Нуралиев, котиби матбуотии вазорати маориф иттилоъ дод, дар ин чорабинӣ аз тамоми муассисаҳои таълимии шаҳру ноҳияҳои ҷумҳурӣ маорифчиён зиёда аз 350 ҳазор нусха китобҳо барои тӯҳфа пешниҳод мекунанд. Гуфта мешавад, китобу асарҳои арзишноки илмӣ, асбобу ашё ва мусаввараҳои мазкур ба тариқи ихтиёрӣ ҷамъоварӣ гардидаанд. Аз ҷумла вазорати маориф ба китобхонаи миллӣ 10 ҳазор нусха китоб тӯҳфа мекунад. Нуралиев афзуд, ин корвони аввалин аст ва дар оянда боз ҳам идома меёбад, аҳли маорифи кишвар тасмим гирифтааст, ки ба китобхонаи миллӣ 1 миллион нусха китоб тақдим намояд. {jathumbnail off}
Мӯҳр