Русский  >>  فارسی  >>  Ҷумъа 9 декабр 2016, 22:21

Дар парлумони касбӣ баҳсу мунозираҳо ҳам мешаванд

7 май 2011, 08:55

«Онҳое, ки аз берун истода дар бораи парлумони мо гап мезананд, намедонанд, ки дар парлумони касбӣ чӣ хел баҳсу мунозираҳо мешаванд».

Дар ин бора, муовини аввали райиси ҲХДТ Сафар Сафаров зимни як мулоқоти фаъолони ҳизб дар Душанбе дар бинои Филармонияи давлатӣ иброз дошт. Тибқи иттилои хабарнигори оҷонсии иттилоотии «Озодагон» дар ин нишаст ҳамчунин номзад ба вакилии Маҷлиси Намояндагон (дар интихоботи миёнадаврӣ аз ҳавзаи интихоботии рақами 4, ноҳияи Сино), котиби Шӯрои Амният-Амирқул Азимов  бо шахсони боэътимодаш ширкат карда, ба суолҳои интихобкунандагон ҷавоб гуфт. Аз ҷумла,  мушкилоти болоравии нарху наво, паст будани музди маоши омӯзгорон, поймолшавии ҳуқуқи занон, инчунин камрангии фаъолияти парлумони кишвар аз мавзуоти аслии баррасишавандаи ин нишаст маҳсуб мегарданд.

Абдулвоҳид Шамолов, директори институти фалсафа ва ҳуқуқи АУ-и Тоҷикистон, ки яке аз шахсони боэътимоди Азимов дар интихоботи мазкур аст, нақши генералро дар сиёсати феълии ҳукумати кишвар муассир арзёбӣ карда гуфт, «агар ба ин шахс овоз диҳед, ба тамоми мушкилотатон мерасад ,  агар ҷомеаи худро обод дидан мехоҳел, пас ба Азимов овоз диҳед, дар дастгирӣ кардани сиёсати Ҷаноби Олӣ тафовути ин шахс дар он аст, ки барои сулҳ мубориза бурд. Азимов метавонист ба хориҷа рафта, соҳиби рутбаи генералӣ шавад, лекин нарафт…»

Зимни ҷаласа як  мӯйсафеди 64-сола, сокини маҳаллаи 64-уми пойтахт дар хусуси вайрон кардани ҷои нишаст ва намозхонӣ изҳори ташвиш намуд ва хоҳиш кард, ки сабабҳои онро маълум кунанд. Амирқул Азимов дар посух ба суоли ӯ  гуфт, «намоз хондан ҷои махсуси худро дорад ва мо бояд  бештар илм омӯзем».

Ёдрас менамоем, дар интихоботи миёнадаврии ҳавзаи Сино № 4, ки рӯзи 15-уми май баргузор мегардад, чор довталаб барои курсии вакили МН талош хоҳанд кард. Инҳо Амирқул Азимов аз ҲХДТ, Музаффар Мирзоев аз ҳизби аграрӣ, Сафарбек Маннонову Толибшоҳи Сайидзода (Саидов) тариқи худпешбарӣ мебошанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!