Русский  >>  فارسی  >>  Якшанбе 11 декабр 2016, 14:55

Эрон гуфт, ба бунёди нерӯгоҳи “Айнӣ” дар Зарафшон оғоз мекунад

29 март 2013, 17:56

Эрон мегӯяд, базудӣ ба бунёди нерӯгоҳи барқи обии “Айнӣ” бар фарози рӯдхонаи Зарафшон, воқеъ дар шимоли Тоҷикистон, оғоз хоҳад кард.

Дар ин бора Алӣ Акбар Солеҳӣ, вазири умури хориҷии Эрон, дар ҳошияи нишасти “Муколамаи ҳамкории Осиё” дар Душанбе бо хабарнигорон суҳбат намуда ва гуфтааст, “зимни дидор бо Эмомалӣ Раҳмон, раисиҷумҳури Тоҷикистон, дар бораи тарҳои иҷрошуда ва онҳое, ки дар оянда ба иҷро хоҳанд расид, ба тавофуқ расидем.”

Ба гуфтаи Солеҳӣ, муҳандисони эронӣ таҳқиқот ва озмоишоти фаннии лозимии худро барои бунёди нерӯгоҳи “Айнӣ” анҷом дода, баъд аз хатми корҳои “Сангтӯда-2”, ки дар ҷануби Тоҷикистон воқеъ мебошад, ба ин макон кӯчонда хоҳанд шуд.

“Сангтӯда-2” калонтарин тарҳи Эрон дар Тоҷикистон аст, ки бо 180 миллион доллар саҳми Эрон ва 40 миллион доллари Душанбе сохта шудааст. Қарор буд, дар Наврӯзи имсол чархаи дувуми нерӯгоҳи барқи обии “Сангтӯда-2” мавриди истифода қарор гирад, аммо ба таъхир уфтод. Ин дар ҳолест, ки дар авохири моҳи феврали соли ҷорӣ сафорати Эрон дар Тоҷикистон бо ирсоли як нома аз ширкати “Барқи тоҷик” хост, то 12 миллион доллар қарзаш аз “Сангтӯда-2”-ро пардохт намояд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!