Русский  >>  فارسی  >>  Якшанбе 4 декабр 2016, 06:52

Додситонӣ ҷазои се сиёсатмадори қирғизро “сабук” хонд

30 март 2013, 10:29

Додситонии генералии Қирғизистон мегӯяд, аз ҳукми додгоҳи ноҳияи Якуми Майи шаҳри Бишек, ки рӯзи гузашта нисбат ба се сиёстамадори қирғиз содир шуд, норозӣ мебошад.

Тавре расонаҳои қирғизӣ иттилоъ медиҳанд, Марат Кулҷабаев, айбдоркунандаи давлатии Прократураи Генералии Қирғизистон гуфтааст, ҳукми додгоҳ нисбат ба аъзои Ҳизби Ота Журт ноодилона буда, ба онҳо мувофиқи ҷинояти кардаашон ҷазо надодааст. Ба гуфтаи Кулҷабаев додгоҳи ноҳияи Якуми Майи Бишкек бояд ба ин се вакили қирғиз ҷазои сангине эълон менамуд. «Аз ин рӯ, мо тасмим гирифтаем, ки аз болои ин ҳукми додгоҳ ба додгоҳи шаҳрии Бишкек шикоят барем.»- афзудааст номбурда.

Додгоҳи ноҳияи Якуми Майи шаҳри Бишкек дирӯз, 29-уми март Қамчибек Тошиев, раиси ҳизби Ота Журт, Талант Мамитов, муовини раиси парлумони Қирғизистон ва узви ҷиноҳи ҳизб дар Жогорку Кенеш, Содир Ҷабборовро тибқи банди 295-уми Кодекси ҷиноӣ, “даъват барои аз роҳи зурӣ тағйир додани сохти конститутсионӣ” айбдор дониста, ба муддати якуним сол равонаи зиндон намуд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!