Русский  >>  فارسی  >>  Якшанбе 11 декабр 2016, 09:05

Шабдолов хостори истифодаи бештари кадрҳои ҷавон шуд

30 март 2013, 11:45

Шодӣ Шабдолов, вакили парлумон ва раиси Ҳизби коммунисти Тоҷикистон, ки “ҳизби нафақахӯрон” низ номаш мебаранд, хостори истифодаи бештари кадрҳои ҷавон шуд.

Шабдолов, ки рӯзи 29-уми март, зимни як ҳамоиш дар мавзӯи экология дар шаҳри Душанбе баромад мекард, изҳор дошт, ки кадрҳои ҷавон дар бахши экологияи Тоҷикистон кам истифода мешаванд. Дар ҳоле, ки ба гуфтаи ӯ кадрҳои лаёқатманди бахши экология асосан дар миёни ҷавонон қарор доранд. Раиси коммунистҳои Тоҷикистон экологияро як соҳаи алоҳида арзёбӣ карда, таҷдиди муносибат бо ин бахшро зарур хонд.

Дар қадами аввал Шабдолов зарур гуфт, ки бисёре аз санаду қонунҳои соҳаи экологияи Тоҷикистон таҷдиди назар шаванд, чун ба гуфтаи ӯ айни ҳол ин қонунҳо душворфаҳм буда, мардуми одӣ муҳтавои онҳоро дарк намекунанд.

Ин суханҳоро Шабдолов дар ҷаласаи Комиссияи экологии парлумони Тоҷикистон изҳор дошт, ки мақсад аз он мусоидат ба танзими фаъолияти ниҳодҳои ҳукуматӣ ва ғайриҳукуматӣ оид ба ҳифзи муҳити зист, истифодаи оқилонаи захираҳои табиӣ ҷиҳати таъмини амнияти экологӣ, рушди иқтисодиёт ва беҳбудии зиндагии мардум дар асоси такмил додан ва таҳким бахшидани қонунгузории Тоҷикистон мебошад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!