Русский  >>  فارسی  >>  Душанбе 5 декабр 2016, 13:31

Духтарони президент дар рейтинги шахсони бонуфуз

31 март 2013, 16:33

Дариға Назарбоева, духтари бузурги Нурсултон Назарбоев, райисҷумҳури Қазоқистон дар садри феҳрасти занҳои бонуфузи он кишвар қарор гирифтааст.

Рейтинги «50 зани бонуфузи Қазоқистон»-ро маҷаллаи «Vласть» тартиб додааст. Онро дар пайи назарсанҷии сад коршинос, назири сиёсатшиносон, иқтисоддонҳо, ҷомеашиносон ва фаъолони ҷамъиятӣ таҳия кардаанд.

Дариға Назарбоева, вакили парлумони Қазоқистон аст ва кумитаи рушди иҷтимоӣ-фарҳангиро роҳбарӣ мекунад. Бино ба навиштаи маҷалла духтари бузурги президент, ки оғози соли гузашта ба сиёсат баргашт, «ба яке аз мунақидони аслии ҳукумат дар парлумон табдил ёфта, аз мушкилоте, ки бештари вакилон дар борааш хомӯширо авло медонистанд, ошкоро суҳбат мекард». Ба эътиқоди сиёсатшиносон духтари калони президент ояндаи наздик бо суръат шуҳрат хоҳад ёфт.
Дариға дар гузашта ҳамсари Роҳат Алиев, яке аз мансабдорони мақомоти қудратии Қазоқистон буд, ки ҳоло дар хориҷ паноҳ мебарад.

Дар рейтинги маҷаллаи «Vласть» ду фарзанди дигари Назарбоев ҳам мақом гирифтаанд. Алия, духтари хӯрди райисҷумҳури Қазоқистон, ки роҳбари шӯрои директорони ширкати «Элитстрой» мебошад, дар зинаи шашуми феҳраст аст. Динара Қулибоева бошад, мақоми даҳумро муаррифӣ мекунад. Ин духтари президент гуруҳи АЛМЭКС ва Хазинаи миллии маорифи ба номи Нурсултон Назарбоевро роҳбарӣ мекунад. Дороии Динараро «Forbes» 1,2 миллиард доллар гуфта буд.

Сара Назарбоева, завҷаи Нурсултон Назарбоев ҳам аз феҳрасти маҷаллаи «Vласть» берун намондааст. Вай зинаи 25-умро муаррифӣ мекунад.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
тахмина рахмонова дар чои чандум
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ачиб духтарони президенти точик чи кадар дорои дошта бошанд? Инро фахмидан мумкин ё ин хам ягон сир будагист?

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!