Русский  >>  فارسی  >>  Шанбе 3 декабр 2016, 09:43

Райиси вилоят: Ба ҳосилнокии зироат диққати ҷиддӣ дода намешавад

7 июл 2011, 05:17

Дар ҷамоати деҳоти Чоркӯҳи ноҳияи Исфара мулоқоти раиси вилояти Суғд Қоҳир Расулзода бо сокинони шаҳру деҳоти минтақа баргузор гардид.


Тавре ба хабаргузории «Озодагон» аз хадамоти матбуотии ҳукумати вилоят иттилоъ доданд, зимни нишаст беш аз 5 ҳазор сокинони шаҳру ноҳия ширкат карда, вохӯрӣ дар фазои озод сурат пазируфт. Расулзода дар чорабинӣ суханронӣ намуда, вазъи иҷтимоӣ, иқтисодӣ ва фарҳангии ноҳияро мавриди таҳлили амиқ қарор дод. Аз ҷумла, зикр гардид, ки дар ҳалли масъалаҳои иҷтимоии  шаҳри Исфара  соҳаи саноат  ҷои намоёнро ишғол менамояд. Зеро аз фаъолияти мураттаби он  пешрафти иқтисодиёти шаҳр, ғанӣ гардонидани буҷет, беҳтар намудани вазъи иҷтимоӣ ва баланд бардоштани сатҳи сифати зиндагии аҳолӣ вобастагии зич дорад. Дар айни ҳол корхонаҳои саноатӣ наздик 40 фисади қисми воридоти буҷети маҳаллиро таъмин менамоянд.
Райиси вилоят афзуд, тайи панҷ моҳи соли равон аз 20 корхонаи саноатии шаҳр 6 корхона нисбат ба ҳамин давраи соли гузашта ҳаҷми истеҳсоли маҳсулоти саноатиро коҳиш дода, 3 корхона тамоман фаъолият накардаанд. Солҳои охир коҳиши истеҳсоли маҳсулоти кишоварзӣ мушоҳида гардида, коҳишёбии саҳми он дар ҳаҷми умумии маҳсулоти кишоварзии вилоят идома дорад. Агар ҳиссаи он дар соли 2006 – 8,4 фоизро ташкил намояд, пас он дар соли 2010 ба – 3,6 фоиз баробар  шудааст.
- Аз таҳлилҳо бармеояд, ки солҳои охир дар шаҳру ноҳияи Исфара ба ҳосилнокии зироатҳо кам аҳамият медиҳанд, - гуфт, Қоҳир Расулзода дар поёни нишаст.
Бино ба қавли сарчашмаи хабар, мулоқоти навбатии райиси вилояти Суғд рӯзи 12-уми июл бо сокинони шаҳри Истаравшан баргузор хоҳад шуд.{jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!