Русский  >>  فارسی  >>  Панҷшанбе 8 декабр 2016, 10:53

Даргирии муҳоҷирони тоҷик дар Русия куштаву маҷруҳ бар ҷой гузошт

3 апрел 2013, 10:39

Дар шаҳраки «1- май»-и шаҳри Балашихаи вилояти Маскав, санаи 1-уми апрел, миёни шаҳрвандони Тоҷикистон- сокинони ноҳияи Ванҷ ва ҷамоати Язғулом муноқиша сар задааст.

Тавре аз Хадамоти муҳоҷирати Тоҷикистон ба хабаргузории "Озодагон" иттилоъ доданд, дар натиҷаи ин занозанӣ аз тарафи сокинони Язгулом як нафар истиқоматкунандаи ноҳияи Ванҷ, деҳаи Бунай, Асоев Талабшо Ширинович (соли таваллудаш 1982) бо корд захмӣ гардида, ба беморхонаи 14-и ноҳияи Соколникии шаҳри Маскав бистарӣ мешавад.

Манбаъ илова намуд, ки «ҳамзамон тақрибан соати 20-и бегоҳии ҳамон рӯз 3-4 сокини ҷамоати Язғулом (ному насабашон номаълум) дар кӯчаи Проектируемий ноҳияи Измайловои шаҳри Маскав дар наздикии Маркази тиҷоратии Новочеркизовский шаҳрванд Малики Сафаралӣ соли таваллудаш 1982, сокини ноҳияи Ванҷ, деҳаи Ровандро, тавассути таппонча мепарронанд. Аз ҷароҳати бардошта Малики Сафаралӣ тақрибан соати 21 дар беморхонаи клиникии шаҳрии 36 ба ҳалокат мерасад."

Бино ба иттилои манбаъ, намояндагии Хадамоти муҳоҷират дар ҷойи ҳодиса бо кормандони шуъбаи тафтишотии ноҳияи Измайлово мулоқот намуда, муайян кард, ки аз рӯйи ҳодиса гурӯҳи фаврӣ - ҷустуҷӯӣ таъсис дода шуда, айни замон тафтишот идома дорад.


Шарҳи худро бинависед:

Ном:*
E-Mail:
Матни шарҳ:
Посух додан
  • Сафар

  • 4 апрел 2013 11:53
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
сокинони ноҳияи Ванҷ ва ҷамоати Язғулом????!!!!
О Язгулом хам ба нохияи Ванч медарояд-ку?
Посух додан
  • Точик

  • 4 апрел 2013 13:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шармандаги!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ino lilloh va ino ilyhi rojeun

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!