Русский  >>  فارسی  >>  Якшанбе 4 декабр 2016, 21:20

Нигаронии ВКД аз афзоиши овозаҳо дар бораи кӯдакдуздӣ дар Душанбе

4 апрел 2013, 10:33

Вазорати умури дохилии Тоҷикистон мегӯяд, дар паи гум шудани Малика ва Сабина аз кӯчаи Айнии шаҳри Душанбе овозаҳо дар бораи дуздии кӯдакон дар пойтахт афзоиш ёфтааст.

Тавре аз Хадамоти матбуоти Вазорати умури дохилии Тоҷикистон ба хабаргузории “Озодагон” иттилоъ доданд, аксари чунин овозаҳо асос надоранд.

Дар ҳамин ҳол, сокинони маҳаллаи Яккачинор мегӯянд, рӯзи гузашта шоҳиди қасди дуздии як кӯдак аз назди масҷиди ин маҳалла шудаанд. Гуландом ном як ҳамсӯҳбатамон қайд намуд, ки дар назди ин масҷид нафарони номаълум аз як мошини бе рақами давлатӣ мехостанд кӯдакеро вориди мошин намоянд, аммо вақте атрофиён ба ин амал диққати махсус медиҳанд, мошин аз он ҷо ғайб мезанад.

Инчунин як корбари навраси шабакаҳои иҷтимоӣ дар сафҳаи интернетиаш навиштааст, ки рӯзи гузашта мошини берақамро дидааст, ки аз наздикиҳои мактаби миёнаи рақами 20 талош кардаанд, наврасеро бидузданд.

Ин овозаҳо дар ҳоле, афзоиш ёфта истодаанд, ки рӯзи 25-уми марти соли равон Сабина Араловаи 5- сола ва Малика Араловаи шашсола, сокинони хиёбони Айнии Пойтахт аз назди манзили худ ғайб задаанд ва то ҳанӯз аз онҳо дараке нест.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!