Русский  >>  فارسی  >>  Душанбе 5 декабр 2016, 09:33

Каримов: Норозигӣ аз бетаваҷҷуҳӣ ба мушкил ҷавонон аст

4 апрел 2013, 15:27

Ислом Каримов, раисиҷумҳури Узбакистон, яке аз омилҳои калидии сар задани норизоиятӣ ва тазоҳуроти умумӣ дар кишварҳои арабиро “бетаваҷҷуҳии сарони ин давлатҳо ба рафъи мушкилоти ҷавонон” арзёбӣ намуда, ба масъулони узбак дар ин маврид ҳушдор додааст.

Тавре расонаҳои узбакӣ менависанд, Ислом Каримов рӯзи 4-уми апрел зимни нишасти Шӯрои намояндагони Тошканд гуфтааст, дар кишварҳои арабӣ, аз ҷумла Тунис, Яман, Либия ва Миср ҷавонон ба хотири ҳаллу фасл нашудани мушкилоти худ, норозигияшонро дар қолаби тазоҳурот ва даргириҳо нишон доданд. Каримов ба раҳбарон ва кормандони дастгоҳҳои иҷроияи Узбакистон таъкид кардааст, ки “вазифаи ҳар яке аз мо дар навбати аввал ин аст, тамоми мушкилоти ҷавононро бартараф намуда, барои рушди истеъдод ва қобилияти онҳо имконот фароҳам созем.”

Номбурда таъкид намудааст, ки фаъолиятҳои раҳбарони шаҳру вилоятҳо бояд барои рафъи камбуди ҷойҳои корӣ талош варзанд. Раисиҷумҳури Узбакистон изҳор намудаааст, “имрӯз ҷавонон огоҳ шудаанд ва бо таваҷҷуҳ ба пешрафти фанновариҳои иртиботӣ ба роҳатӣ аз ҷараёни пешрафтҳои соири миллатҳо огоҳ мегарданд.”

Ӯ афзудааст, “дигар намешавад, барои истифода накардани Интернет девори оҳанин сохт ва ё онро мамнуъ эълон кард.”


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!