Русский  >>  فارسی  >>  Панҷшанбе 8 декабр 2016, 19:08

Бозии мусовии дастаҳои Тоҷикистону Непал (Видео)

5 апрел 2013, 10:33

Дирӯз, 4-уми апрел, мунтахаби наврасони Тоҷикистон бозии дуюми худро дар мусобиқаи интихобии қаҳрамонии Осиё, дар гурӯҳи “С”, бо дастаи Непал бо ҳисоби баробари 1:1 анҷом дод. Ҳардуи гол дар нимаи аввалӣ дидор ба ҳадаф расонда шуд.

Хуршед Абдуллоев, бозигари мунтахаби Тоҷикистон дар дақиқаи 15-уми дидор тӯбро ба дарвозаи ҳариф ворид кард. Радж Кшитиз, бозигари дастаи мизбон бошад, дар дақиқаи 24-ум тӯбро вориди дарвозаи меҳмонон намуда, ҳисобро баробар кард.
Бозиҳои мусобиқаи интихобии қаҳрамонии Осиё дар шаҳри Катманду-пойтахти Непал ҷараён дорад. Мунтахаби наврасони Тоҷикистон дар ин мусобиқа таҳти раҳбарии сармураббӣ, Раҷаб Расулов, ҳунарнамоӣ мекунанд. Футболбозони навраси тоҷик рӯзи 2-юми апрел нахустин бозияшонро бо мунтахаби наврасони Бутан бо ҳисоби бузурги 15:0 анҷом дода буданд.



Ёдовар мешавем, дар гурӯҳи “С” дастаҳои мунтахаби Афғонистон, Бутан, Непал ва Тоҷикистон миёни ҳам рақобат карданд. Бозии дуюми ин гурӯҳ дар даври дуюм миёни мунтахаби наврасони Афғонистон-Бутан баргузор гардида бо ҳисоби калони 14:0 ба фоидаи Футболбозони навраси Афғонистон анҷом ёфт.

Мунтахаби Афғонистон, ки ду бозиро бо пирӯзи анҷом додааст феъланд дар гурӯҳи “С” бо 6 имтиёзи пешсаф аст. Мунтахаби Тоҷикистон, ки як бозиро бо пирӯзӣ ва як бозии дигарро мусовӣ анҷом додааст бо 4 имтиёз дар ҷойи дуюм аст. Дастаи Непал бо 1 имтиёз дар ҷои сеюм ва дастаи Бутан бидуни имтиёз дар зинаи охирон карор дорад.

Дастаи мунтахаби Тоҷикистон рӯзи 6-уми апрел бо мунтахаби Афғонистон ба сабқат мебарояд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!