Русский  >>  فارسی  >>  Душанбе 5 декабр 2016, 15:31

Шикояти як донишҷӯи Донишгоҳи техникӣ аз “облава”

5 апрел 2013, 16:07

Як донишҷӯи Донишгоҳи техникии Тоҷикистон имрӯз, панҷуми апрел, бо мо дар тамос шуда ва гуфт, гурӯҳе аз кормандони комиссариати ҳарбии ноҳияи Синои пойтахт ӯро “облава” кардаанд. Шералӣ Нодиров мегӯяд, “ҳарчанд донишҷӯ будани худро ба онҳо мефаҳмондам, аммо ба гапҳоям гӯш намедоданд.

“Ин воқеа дар наздикии БДА (ГАИ), маҳаллаи 33-юми пойтахт, ба амал омад. Онҳо 5 нафар буданд ва маро қапида ба дохили «Тангем» маҷбур савор карданд. Вақте ба ҷонишини деканамон занг заданӣ шудам, маро раҳо карданд. Чунин амал на танҳо бо ман, бо дигар ҷавонҳо низ рух додааст, ки худ шоҳидаш будам»,-афзуд мусоҳиби мо.

Шикояти ин донишҷӯ аз “облава” дар ҳоле садо медиҳад, ки бар асоси қонунҳои Тоҷикистон донишҷӯён то замони хатми таҳсил ба сафи нерӯҳои мусаллаҳи кишвар ва гузашта аз ин ба таври “облава” ҷалб намешаванд.

Бояд гуфт, дар авохири моҳи марти соли ҷорӣ фармони раисиҷумҳури Тоҷикистон Эмомалӣ Раҳмон дар бораи даъвати баҳорӣ ба артиш нашр шуд. Даъвати баҳорӣ аз моҳи апрел оғоз ёфта, то охири моҳи май идома хоҳад кард.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!