Русский  >>  فارسی  >>  Шанбе 10 декабр 2016, 06:04

Истиқболи Омбудсмен аз раҳоии Абдумалик Абдуллоҷонов

6 апрел 2013, 10:38

Омбудсмен ё ваколатдори ҳуқуқи инсон дар Радаи олии Украина аз тасмими Додситонии кулли ин кишвар дар мавриди раҳоии Абдумалик Абдуллоҷонов, нахуствазири пешини Тоҷикистон ва истирдод нашуданаш ба Душанбе истиқбол кардааст.

Дафтари матбуоти Омбудсмен гуфтааст, Валерия Лутковская ба манзури дақиқ кардани сабабҳои боздошти Абдумалик Абдуллоҷонов дар Украина қазияро таҳти назар гирифта, намояндаи худро барои дидор бо нахуствазири пешини Тоҷикистон ба боздоштгоҳи муваққатии Киев фиристода буд. Бино ба гуфтаи манбаъ, дар ин суҳбат Абдуллоҷонов гуфтааст, "мақоми паноҳандагии сиёсии Амрикоро дарёфт карда ва дар ин маврид санади зарурӣ ҳам дорад, ки мутаасифона замони дастгир шудан ҳамроҳаш набуд".

"Дар муроҷиатномаи Лутковская, ки унвонии Додситонии кул ирсол шуд, эҳтимоли доштани мақоми паноҳандагии сиёсии Абдуллоҷонов зикр гардид",-омадааст дар номаи дафтари матбуотии Омбудсмени Украина.

Абдумалик Абдуллоҷонов, ки аз соли 1992 то 1995 нахуствазири Тоҷикистон буд, 5-уми феврал дар фурудгоҳи "Бориспол"-и Киев бо мусоидати пулиси байналмилалӣ, яъне Интерпол, боздошт шуд. Мақомоти Тоҷикистон аз Украина хостанд, ки ӯро ба Душанбе истирдод кунад. Аммо Додситонии кулли Украина шоми чоруми апрел Абдуллоҷоновро аз боздошт раҳо кард.

Зимнан, рӯзи гузашта, 5-уми апрел даҳҳо нафар дар назди Дафтари намояндагии Созмони Милал дар Душанбе ва сафорати Иёлоти Муттаҳида дар Тоҷикистон гирди ҳам омада, алайҳи раҳоии Абдуллоҷонов шиор медоданд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Наход,ки дар Точикистон,мансабдорону вазирон мисли кандил шаффофу тоза бошанд,ки "дузд"хоро аз хорич мекобанд.Боз дипломатияи точик шарманда шуд.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!