Русский  >>  فارسی  >>  Якшанбе 11 декабр 2016, 01:21

“Сименс” ба Тоҷикистон меояд

9 апрел 2013, 10:24

Ширкати калони трансмиллии «Сименс» ба бозори Тоҷикистон таваҷҷӯҳ кардааст ва интизор меравад, ки ҳайати воломақоми ин ширкат рӯзҳои 19 ва 20-уми апрел вориди Душанбе гарданд.

Дар пешорӯи ин сафар, муовини президенти ширкати «Сименс» (Siemens LLC) дар Русия Сергей Крилов бо сафири Тоҷикистон дар Маскав, Абдулмаҷид Достиев мулоқот намуда, дурнамои ҳамкориҳоро баррасӣ намудаанд. Тавре аз сафорати Тоҷикистон дар Маскав хабар доданд, Крилов, зимни мулоқот изҳор доштааст, ки як ҳайати баландпояи «Сименс» бо роҳбарии ноиб - президенти ширкат Д. Мёллер, рӯзҳои 19 – 20 –уми апрел аз Тоҷикистон боздид мекунанд ва бо роҳбарияти вазорату идораҳои дахлдори ҷумҳурӣ тавсеаи ҳамкории мутақобилан судмандро мавриди баррасӣ қарор медиҳанд.

Ба иттилои сафорат, Достиев таъкид намудааст, ки Тоҷикистон сиёсати дарҳои бозро пеш гирифтааст ва омода аст бо кишвару созмонҳо ва ширкатҳои гуногуни хориҷӣ ҳамкорӣ кунад. Ӯ изҳори умед кардааст, ки ташрифи ҳайати ширкати «Сименс» ба Тоҷикистон бойиси таҳкими ҳамкории дуҷониба хоҳад гардид.

“Сименс” аз бузургтарин консернҳои ҷаҳонӣ арзёбӣ мешавад, ки дар зиёда аз 190 давлати дунё, дар бахшҳои гуногун аз ҷумла электроника фаъолият дорад. Соли 2010 ҳаҷми гардиши ин консерн 76 миллиард евро ва теъдоди кормандонаш 405 ҳазор нафар ҳисоб шудааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!