Русский  >>  فارسی  >>  Шанбе 3 декабр 2016, 16:37

Сафорати Амрико: Ҳар гирдиҳамоӣ дар Тоҷикистон метавонад бо зӯроварӣ анҷомад

10 апрел 2013, 21:25

Сафорати Иёлоти Муттаҳида дар Душанбе аз шаҳрвандонаш, ки дар ин кишвар иқомат ё сафар доранд, даъват кардааст, аз ҳузур дар ҷойҳои серодам худдорӣ кунанд.

Дар иттилоияе, ки сафорат дар шабакаи иҷтимоии Фейсбук ҷой додааст, ба шаҳрвандони Амрико тавсия дода мешавад, ки зиракиро аз даст надиҳанд ва аз муҳити атрофашон пайваста огоҳ бошанд. Сафорат ҳушдор додааст, ки ҳар гирдиҳамоӣ дар Тоҷикистон, метавонад бо зӯроварӣ анҷомад ва бинобар ин зарур донистааст, "шаҳрвандони Амрико пайваста ҳуҷҷатҳои тасдиқкунандаи шахсияташонро бо худ бигиранд". Барои таъмини беҳтари амният сафорати Амрико ба шаҳрвандонаш маслиҳат додааст, ки худро дар барномаи STEP дар интернет, ё худи сафорат сабти ном кунанд, то дар ҳолатҳои муташанниҷ бо онҳо дар тамос шаванд.

Соро Мародалиева, масъули бахши робита бо ҷомеаи сафорати Амрико дар Душанбе дар суҳбат бо "Озодагон" гуфт, ин ҳушдор ба тазоҳуроти 5-уми апрел дар назди сафорати Амрико ва дафтари Созмони Милал дар Душанбе марбут аст, ки дар пайи раҳоии Абдумалик Абдуллоҷонов, нахуствазири пешини Тоҷикистон аз боздоштгоҳе дар пойтахти Украина сурат гирифт. Тазоҳургарон аз он изҳори норозигӣ карда буданд, ки Амрико ба нафаре, ки дар Тоҷикистон барои ҷиноятҳои сангин муттаҳам мешавад, паноҳгоҳи сиёсӣ додааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!