Русский  >>  فارسی  >>  Шанбе 3 декабр 2016, 20:40

Талаби истеъфои вазири маориф барои қарори манъи ҳиҷоб

7 май 2011, 10:13

Издиҳоми чандсаднафара дар назди бинои Вазорати маорифи Озорбойҷон алайҳи қарори ин  мақомот дар хусуси ҳиҷоб  даст ба гирдиҳамоӣ заданд.

Санади марбутаро дар хусуси манъи  ҳиҷоб дар муассисаҳои таълимӣ моҳи ноябри соли 2010 Вазорати маорифи ин кишвар ба тасвиб расонида буд. Тазоҳургарон истеъфои вазири маориф Мисир Мардоновро тақозо кардаанд.   Миёни мардум ва пулис, ки кӯшиши пароканда кардани издиҳомро мекард, задӯхурд ба амал омад. Бар асари зарбаҳои чӯбдасти пулис сари даҳҳо нафар, аз ҷумла миқдори афзуни занон кафида, хуншор шудааст. Дар ин бора хабаргузориҳои озарӣ иттилоъ медиҳанд

Ҳатто журналистони дар ин минтақа наворгирро низ пулис мавриди латукӯб қарор дода, таҷҳизоти аккосӣ ва наворгирии онҳоро шикастаанд.

Мардуми башӯромада бар муқобили латукӯби пулис аз сангҳои канори роҳ истифода карда, пулисро ба қафонишинӣ маҷбур кардаанд.

Ёдовар мешавем, ки чунин як тазоҳурот бар зидди қарори вазорати маорифи Озарбойҷон 10-уми декабри соли гузашта низ доир гардида буд.

Тахминан якуним сол қабл бо як қарори вазири маорифи Озарбойҷон рафтани хонандагон бо хичоб ва ё русарӣ ба тадрис мамнӯъ гардида буд.  Баъди ин теъдоди зиёди духтарон аз таҳсил дар макотиби ҳамагонӣ худдорӣ карда буданд.

Ёдовар мешавем, чанде пеш чунин тасмимро Вазорати маорифи Тоҷикистон ҳам аз сар  гирифта буд, ки миёни мардум вокуниши зиёдеро ба бор овард. Аммо масъулин то  ҳанӯз ба хонандагони макотиби миёна ва  донишҷӯён иҷоза намедиҳанд, к ибо рӯсарӣ ба дарс ҳозир шаванд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!