Русский  >>  فارسی  >>  Шанбе 3 декабр 2016, 16:35

МТС ҳушдори Амрико дар бораи тазоҳуротро “шитобзадагӣ” хонд

11 апрел 2013, 12:38

Сайфулло Сафаров, муовини раиси Маркази тадқиқоти стратегии Тоҷикистон,(МТС) ҳушдори Амрикоро дар мавриди таҳдидҳо ба амнияти шаҳрвандонаш дар Тоҷикистон “шитобзада ва бепоя” хонд.

Сафаров мегӯяд, Тоҷикистон яке аз амнтарин кишварҳо барои худӣ ва хориҷиҳо мебошад. Ӯ афзуд, тазоҳуроте, ки ахиран дар назди бинои сафорати Амрико дар Душанбе баргузор шуд, душманӣ ба Амрико нест ва он ба зидди амрикоиҳо равона нашудааст: “Ин мавқеъи Тоҷикистон ва ҳукумати кишвар набуда, танҳо мавқеъи як гурўҳ шаҳрвандони мо буд, ки алайҳи раҳоии Абдумалик Абдуллоҷонов, нахуствазири пешини Тоҷикистон гирди ҳам омада буданд. Онҳо моро ҳамеша гунаҳкор мекунанд, ки мардуми тоҷик худро ҳимоя карда наметавонад. Гирдиҳамоии мазкур собит намуд, ки дар сурати зарурӣ мардуми тоҷик барои дифоъ аз манфиатҳои миллиаш садо баланд карда метавонад. Аз ҳамин ҷиҳат Амрико ба ин ҳаводис бояд бо мувозинат бархӯрд намояд. Ҳарчанд Амрико ба унвони як абарқудрат аз арзишҳои демократӣ сару садо баланд мекунад. Вале бо ин ҳушдораш маълум кард, ки Амрико тоқати шунидани эътироз ба мавқеъгириашро надорад.”

Сафаров мегӯяд, ҳушдори шадиди Амрико дар баробари тазоҳуроти ахир дар Душанбе аз таҷрибаи тазоҳуротҳо дар кишварҳои арабию африқоӣ бармеояд, ки онҷо баъзан бо зӯроварӣ анҷом меёбанд. Ӯ рух додани чунин ҳолатро дар Тоҷикистон аз эҳтимол дур арзёбӣ намуд ва инро ба фарҳанги мардуми тоҷик марбут донист.

Рӯзе пеш, 10-уми апрел Сафорати Иёлоти Муттаҳида дар Душанбе аз шаҳрвандонаш, ки дар Тоҷикистон иқомат ё сафар доранд, даъват кардааст, аз ҳузур дар ҷойҳои серодам худдорӣ кунанд. Дар иттилоияе, ки сафорат дар шабакаи иҷтимоии Фейсбук ҷой додааст, ба шаҳрвандони Амрико тавсия дода мешавад, ки зиракиро аз даст надиҳанд ва аз муҳити атрофашон пайваста огоҳ бошанд. Сафорат ҳушдор додааст, ки ҳар гирдиҳамоӣ дар Тоҷикистон, метавонад бо зӯроварӣ анҷомад ва бинобар ин зарур донистааст, "шаҳрвандони Амрико пайваста ҳуҷҷатҳои тасдиқкунандаи шахсияташонро бо худ бигиранд". Барои таъмини беҳтари амният сафорати Амрико ба шаҳрвандонаш маслиҳат додааст, ки худро дар барномаи STEP дар интернет, ё худи сафорат сабти ном кунанд, то дар ҳолатҳои муташанниҷ бо онҳо дар тамос шаванд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамин Сайфулло Сафаров ба фикрам аз Марс омагиай чи бало. Дар рузи равшан дуруг мегуядееее. Наход барои чанд сумак маошу мансаби давлати инсон аз асли худаш дур шуда бошад. Наход хамаи ин чоплусиву дуруггуиву тухмату бухтон ба хотири гурусна намондани Сайфулло Сафарову ахли оилааш бошад. Ал-хазар барои инсонхои бемавкеъ лес-лесак.
Посух додан
  • Хасан

  • 11 апрел 2013 14:30
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Огои сайфуло дурус баромад кардааст мавкеи точикистонро.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!