Русский  >>  فارسی  >>  Сешанбе 6 декабр 2016, 07:53

Вокуниши Қувватов ба ваъдаи Раҳмон дар бораи интихоботи шаффоф

11 апрел 2013, 17:05

Умаралӣ Қувватов, раҳбари созмони сабтиномнашудаи “Гуруҳи 24”, ба ваъдаи Эмомалӣ Раҳмон дар бораи интихоботи озоду шаффоф вокуниш нишон додааст. Рӯзи даҳуми апрел дар ҷараёни сафараш ба Белгия ҷаноби Раҳмон гуфт, кафолат медиҳад, интихоботи оянда шаффофу озод хоҳад гузашт.

Изҳороти Умаралӣ Қувватов дар шакли садои тавассути вакили мудофеаш Николай Николаев дастраси расонаҳо шудааст. Дар ин изҳороти худ ҷаноби Қувватов ваъдаи раисиҷумҳури Тоҷикистонро дар мавриди интихоботи озоду демократӣ “бозии навбатӣ” унвон кардааст.

Умаралӣ Қувватов, ки ҳоло дар боздоштгоҳе дар Дубай нигаҳдорӣ мешавад, гуфтааст, барои баргузории интихоботи шаффоф Эмомалӣ Раҳмон бояд аз салоҳияти худ даст кашад. “Он ки Эмомалӣ Раҳмон дар шаҳри Брюссел гуфт, дар мавриди ширкат дар интихобот ҳанӯз қароре қабул накарда ва кафолат додааст, интихобот озоду демократӣ хоҳанд гузашт, қобили эътимод нестанд. Бо бозигарони куҳна интихобот бо усули пештара сурат хоҳад гирифт”,-афзудааст ӯ.

Раҳбари Гурӯҳи 24 илова кардааст, ки дар сурати сари қудрат боқӣ мондани Эмомалӣ Раҳмон Тоҷикистон аз имконоташ барои пешрафт маҳрум хоҳад гардид. Умаралӣ Қувватов, ки дар гузашта масъулияти ширкати Фарозро бар уҳда дошт, тобистони соли гузашта ба Русия рафт ва аз таъсиси созмони сиёсии Гурӯҳи 24 хабар дод. Ӯ борҳо дар сӯҳбатҳояш таъкид карда буд, ки оқои Раҳмон набояд дар интихоботи моҳи ноябри соли ҷорӣ номзадияшро бигузорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!