Русский  >>  فارسی  >>  Шанбе 3 декабр 2016, 09:40

Gulrukhsor.tj -- cафҳаи Гулрухсори Сафӣ дар интернет

11 апрел 2013, 17:20

Торнамо ё сайти Гулрухсори Сафӣ (Сафиева), шоираи маъруфи тоҷик, дар шабакаи ҷаҳонии Интернет фаъол гардид. Дар ин бора Гулрухсори Сафӣ рӯзи 11-уми апрел ба “Озодагон” хабар дода ва гуфт, ин торнамо бо заҳматҳои худи ӯ ва баъзе аз шогирдону ҳаводоронаш омода шудааст.

Хонум Гулрхусор мегӯяд, ин торнамо ҳанӯз комил нест, вале базудӣ матолибу китоб ва шеърҳои зиёдаш дар ин сафҳаи интернетӣ ҷойгир хоҳанд шуд. Ҳоло дар торнамои Гулрухсори Сафӣ ҳолномаи шоир бо чанде аз шеърҳову китобҳояш, аз ҷумла “Шӯъла дар санг”, “Ҷовидона” ва “Занони сабзбаҳор” гузошта шудаанд.

Гулрухсори Сафӣ мегӯяд, ин торнамо бо ду забон -- тоҷикиву русӣ роҳандозӣ шуда, китобҳову шеърҳояш низ бо ду забон рӯи ин сафҳа гузошта хоҳанд шуд. Вай афзуд, ин сафҳаи интернетӣ имкон медиҳад, мухлисону ҳаводоронаш бо ӯ мустақим тамос бигиранд ва номаҳояшонро бифристанд.

Хонум Гулрухсор аз шоирони шинохтаи тоҷик аст, ки соли 1947 дар деҳаи Яхчи ноҳияи Комсомолободи пешина ва ҳоло Нуробод ба дунё омадааст. Вай муаллифи бештар аз 80 китоб буда, осораш бо чанде аз забонҳои дунё баргардон ва ба табъ расидаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!