Русский  >>  فارسی  >>  Шанбе 10 декабр 2016, 21:30

Талоши ТВ-Сентр-и Русия барои намоиши симои воқеии тоҷикон

12 апрел 2013, 14:13

Роҳбарияти яке аз телевизионҳои маъруфи Русия -- ТВ Сентр барои сабти филми мустанад дар бораи муҳоҷирони тоҷик як ҳайати эҷодиро ба Душанбе фиристодааст.

Аз Хадамоти муҳоҷирати Тоҷикистон, ки роҳнамоии ин ҳайатро ба уҳда дорад, ба хабаргузории “Озодагон” иттилоъ доданд, ки синамогарони рус давоми 3 рӯз, аз 8-ум то 11-уми апрел, ҳаёти тоҷиконро дар Ватан инъикос кардаанд. Ба иттилои манбаъ, ин ҳайат боздиди худро аз хонаи Самандар Давлатов, сокини ноҳияи Варзоб ва падари ду муҳоҷири корӣ оғоз намуданд: «Тарзи пешвозгирии тоҷиконро аз дастшӯии меҳмонон ба навор гирифта, вориди хона шудем. Меҳмонон тарзи пӯхтани нонро дар танӯр ва омода кардани ғизоҳои миллӣ ба навор гирифтанд».

Манбаъ мегӯяд, зимни наворгирӣ ва мулоқот бо ин хонавода маълум гардид, ки ҳар сол аз ҳисоби меҳнати писаронаш ба буҷаи хона аз 5 то 10 ҳазор доллари амрикоӣ ворид мешавад: “Дар назди ҳавлӣ як хонаи дуошёна қомат рост намудааст, ки ин ҳама меҳнати фарзандонаш мебошад. Дар оянда нақша доранд, ки дар назди хонаи истиқоматии худ як ҷои истироҳат барои шаҳрвандони ҷумҳурӣ ташкил намоянд. Аллакай баъзе корҳо дар ин самт иҷро гардидааст.”

Дар фурудгоҳи байналмилалии шаҳри Душанбе филмбардорони рус, аз ҷараёни сафари муҳоҷирони тоҷик ба Федератсияи Русия, тарзи пур намудани корти муҳоҷират, гузаштан аз назди кормандони гумрук ва марзбонҳоро акс гирифтанд. Рӯзи 10-уми апрел дар вилояти Хатлон рафти кишти пахта, ҳолати бозорҳои марказии вилоятро наворбардорӣ намуда, бо чанд тан аз мардуми маҳаллӣ, ки ба наздикӣ азми Русия доранд, суҳбат кардаанд.

Масъулини Хадамоти муҳоҷират мегӯянд, ҳадаф аз ҳамкории хабарнигорони Русия, нишон додани симои дурусти муҷоҷир тавассути ВАО ба мардум ва мусоидат барои беҳдошти вазъи муҳоҷирони корӣ мебошад.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамин кадар солхо нисбати точикон тавссути ВАО и Россия суханхои хуб нашунидаам.Худоё худовандо,шояд,ки ин гурухи эчодии хабарнигорони "Россия-ТВ Центр",нисбати миллати мехмондусту соддаи мо таъриф хам ,ки накунанд,бад нагуянд.Боз нашавад,ки нону намаки мехмондустии моро чашида,ба намкдон туф накунанд.Аз русхо хар чизро интизор шудан мумкин.
Посух додан
  • Фархори

  • 14 апрел 2013 16:54
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Уно кай таъриф карданд бо имруз мекунанд Худо худаш медонад чи максаду маром доранд

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!