Русский  >>  فارسی  >>  Чоршанбе 7 декабр 2016, 13:39

Сафири Амрико: ФБР омодааст, Малика ва Сабинаро пайдо кунад

14 апрел 2013, 18:29

Сафири Иёлоти Муттаҳида дар Душанбе ба вазири умури дохилии Тоҷикистон, Рамазон Раҳимов, гуфтааст, омодаанд, ки барои пайдо кардани Малика ва Сабина Араловаҳо кормандони Хадамоти кашфи Амрико (ФБР)-ро биёранд.

Ин ҳарфҳоро Сюзан Эллиот дар дидораш бо оқои Раҳимов рӯзи шанбеи 13-уми апрел баён доштааст. Ба қавли хонум Эллиот, намояндагони ФБР дар ин маврид таҷрибаи бой дошта, ҳамчунин бо тамоми таҷҳизоти муосир таъминанд.

Аз нопадид шудани Малика ва Сабина, ки яке чоруним ва дигаре шаш сол дорад, беш аз 20 рӯз сипарӣ шуда, ҳанӯз ҳам мақомот ба дарёфти онҳо муваффақ нашудаанд. Ахиран вазири умури дохилӣ низ аз пайдо нагаштани ин ду кӯдак нигаронӣ карда, онро заъфи гуруҳи оперативӣ унвон кард. Ҳоло барои пайдо кардани Сабина ва Малика Араловаҳо тафтиши шиноснома ва ҳамчунин гирифтани из ё пайи ангушти баъзе афрод идома дорад.

Ёдовар мешавем, ин ду духтарчаи ноболиғ рӯзи 25-уми март, тақрибан соати 16-00 аз кӯчаи Айнии пойтахт бедарак шудаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!