Русский  >>  فارسی  >>  Душанбе 5 декабр 2016, 15:30

Вазорати умури хориҷӣ иддаои Зоировро “ғарази шахсӣ” номид

16 апрел 2013, 11:03

Вазорати умури хориҷии Тоҷикистон иддаои Раҳматулло Зоировро дар бораи ин ки Чин бештар аз хатти муайяншуда вориди хоки Тоҷикистон шудааст, рад кард.

Абдулфайз Атоев, сухангӯи Вазорати умури хориҷӣ, рӯзи сешанбеи 16-уми апрел гуфт, ин изҳороти раҳбари сотсиал-демократҳои Тоҷикистон беасосу иғвонгез буда, ба созишномаи Тоҷикистону Чин ҳеҷ рабте надорад. Вай ин иддаои Зоировро танҳо “ғарази шахсӣ” номид.

Ин дар ҳолест, ки қаблан Раҳматулло Зоиров дар сӯҳбат бо радиои Садои Хуросон гуфт, “эҳтимол, Тоҷикистон дар ивази қарзҳо қисме дигар аз қаламраваш дар ноҳияи Мурғобро ба ихтиёри Чин бигузорад”. Вай гуфтаaст, шахсан ба ноҳияи Мурғоб рафта ва дидааст, ки “марзбонони чинӣ дар бахше аз манотиқ то 20-километрии дохили хоки Тоҷикистон нуфуз кардаанд, ҳол он ки бар асоси қарордоди аломатгузории марзи муштараки Тоҷикистон ва Чин, танҳо ҳазор километри мураббаъ аз заминҳои ноҳияи Мурғоб ба ҷониби Чин вогузор шуда буд.”

Ба ин тартиб, раҳбари сотсиал-демократҳои Тоҷикистон бовар дорад, Чин беш аз манотиқи марзии вогузоршуда ба ин кишвар дар вилояти Бадахшон ба қаламрави ноҳияи Мурғоб ворид шудааст. Ҷаноби Зоиров ҳамчунин интиқоли нерӯ ва размоиши ахири Артиши Тоҷикистон дар Бадахшонро ба вогузории қисме аз марзи кишвар ба Чин рабт додааст, ки эҳтимол вокуниши сахти сокинони минтақаро ба бор хоҳад овард.

Тоҷикистон дар оғози соли 2011 расман қисмате аз қаламрави худро дар ихтиёри Чин гузошт, ки мақомот аз он ба унвони “замини даъвоӣ” ном мебаранд. Ин тасмим, албатта, вокунишҳои ҷомеаи маданӣ ва намояндагони аҳзобу мухолифонро ба вуҷуд овард, аммо мақомоти расмӣ гуфтанд, Душанбе бо вогузории ин замини даъвоӣ худро аз чанголи “аждаҳои сурх” наҷот додааст.

Чин яке аз кишварҳои аслии қарздиҳандаи Тоҷикистон аст, ки то кунун роҳи Душанбе-Чаноқро бозсозӣ кардаву нақби Шаҳристонро низ бунёд ва дар ихтиёри Тоҷикистон гузоштааст. Даҳҳо иншооти дигари муҳими Тоҷикистон бо пули Чин бунёд мешавад, ки бозгардонии онҳо зоҳиран барои Тоҷикистон саҳлу содда нахоҳад буд.


Дар акс: Абдулфайз Атоев, сухангӯи Вазорати умури хориҷии Тоҷикистон


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ЧАНОБИ ЗОИРОВ,ШУМО АКНУН ХАБАР ЁФТЕД,КИ АЖДАХОРИ СУРХ ТОЧИКИСТОНРО ФУРУ МЕБАРАД.ИН ДАР ТАЪРИХ ХАСТ.ХОЛО МОРО НОМХОИ ХИТОИ ИНТИЗОР АСТ.НОМИ МАН САИ ДА ЛИ ШУДААСТ.АЗ ШУМО БОШАД,ЧАНОБИ РАХ МА ЗО ИР МЕШАВАД.
Посух додан
  • Алишер

  • 16 апрел 2013 14:39
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ман фикр мекунам ки ин хама як заифи хукумати моро нишон медихад.Хиенати бузурги шахсони мавчуда ба ватан мебошад ман афсуус ки кудрат надорам магар намемонам ки чунин хиенаткорон болои ватани мо чуни хиенатро раво бинанд
Посух додан
  • Сар Ба Ланд

  • 16 апрел 2013 20:25
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман аз чаноби Кабирй,Шабдолов ва он касоне,ки ору номуси миллй доранд илтимос мекунам ба Бадахшон рафта аз тахти казия огахй пайдо кунанд ва дар СМИ интервю диханд,ки рост ё дуруг!! Илтимос!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мухтарам Атоев Шарм намекнед Як руза зиндагиатонро гуфта ба Миллати ххуд ояндаи миллати худ Хиёнат мекунед Шарм доред Шумо барин инсонхо Бо тарс Сухан мегуед Фардо Шуморо ки ёд мекунад ....

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!