Русский  >>  فارسی  >>  Шанбе 10 декабр 2016, 11:51

Санҷиши қаторҳои Тоҷикистон аз сӯи намояндагони додситонӣ

17 апрел 2013, 18:08

Намояндагони Додситонии кулли Тоҷикистон қаторҳои мусофирбари ин кишварро мавриди санҷиш қарор хоҳанд дод. Вазорати нақлиёт мегӯяд, ба дунболи норозигии бархе аз мақомдорони Русия аз вазъи санитарии қаторҳои Тоҷикистон як кумиссиюн ташкил ёфтааст, ки дар миёни онҳо намояндагони Додситонии кулл низ ҳастанд.

Як манбаи мо дар Вазорати нақлиёти Тоҷикистон гуфт, “вагонҳое, ки аз ҷониби Русия тафтиш карда шудаанду гӯиё ба талабот ҷавобгӯ нестанд, баъд аз 3 рӯз ба Тоҷикистон мерасанд. Қаблан вагонҳо куҳна буданд, аммо ба талабот ҷавобгӯ буданд. Ахиран 15 вагони нав харида шуд, ки ҳеч мумкин нест, ин вагонҳо ба талабот ҷавобгӯ набошанд.”

Манбаъ илова кард, тафтиши вагонҳо тақрибан 4 рӯз аз ҷониби кумиссиюн идома хоҳад ёфт. Ду рӯз қабл Идораи марзбонии Хадамоти федералии амнияти Русия ё ФСБ пешниҳод кард, то замони бартараф шудани як қатор камбудҳои ҷиддие, ки дар қатор ё поездҳои Тоҷикистон ҷо доранд, вуруди онҳо ба қаламрави Русия манъ шавад. Ин нуктаро Владимир Мочалов, муовини раиси марзбонони Хадамоти федералии амнияти Русия (ФСБ), рӯзи душанбеи 15-уми апрел, баъд аз як ҷаласаи сайёр дар истгоҳи роҳи оҳани Астрахан (Аштархон) изҳор дошта буд. Аммо мақомоти Тоҷикистон ин ҳама иддаоҳои бархе аз мақомоти Русияро беасос донистанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!