Бахшҳо

Умаралӣ Қувватовро дар Тоҷикистон чӣ интизор аст?

Ахиран додгоҳи шаҳри Дубай ба ин натиҷа расид, ки Имороти Муттаҳидаи Арабӣ раҳбари созмони сиёсии “Гурӯҳи 24”, Умаралӣ Қувватовро ба Тоҷикиситон бидиҳад.

Ин ҳукм хонаводаи Қувватов ва бархе аз созмонҳои ҳомии ҳуқуқи инсонро ба вуҷуд овард. Аз ҷумла, созмони Авфи Байналмилал гуфт, истирдоди Қувватов метавонад бо шиканҷа ва ҳабси тӯлонии ӯ анҷом ёбад. Хабарнигори “Озодагон” аз масъулону ҳуқуқдонҳо ва коршиносон пурсид, дар сурати истирдод раҳбари “Гуруҳи 24”-ро дар Ватан чӣ интизор аст?



Парвиз Муллоҷонов, сиёсатшинос:
“Алакай барои Умаралӣ Қувватов парванда боз шудааст ва дар сурати истирдоди ӯ муҳокимааш сурат хоҳад гирифт. Дар мавриди одилона баргузор шудани додгоҳи ӯ мо ҳеч чиз гуфта наметавонем. Чун намедонем, ӯ чӣ ҷинояте содир карда ва ё накардааст. Умуман дар бораи фаъолияти ӯ пеш аз ҷудо шудан аз ширкати Фароз, ба маълумоте дастрасӣ надорем. Вале маълум аст, ки омили сиёсӣ ба ҷарёни судӣ ҳамеша таъсир мекунад ва дар ин маврид ҳам маълум аст, ки ҷазои нисбатан сангин мегирад. Ин ҳам вобаста ба он аст, ки кӣ ҷиноят содир кардааст ва он чи гуна ҷиноят аст. Чанд сол ҳабсро ҳатман мегирад.”

Маҳмадулло Асадуллоев, сухангӯи вазири умури дохилӣ:
“Ба ин мавзуъ ва тафтишоту истирдоди ӯ Додситонии кулл машғул мешавад. Ҳамаи парвандаҳои ӯ дар даст додситонист.”

Амирқул Азимов, раиси Кумитаи тартиботи ҳуқуқӣ, мудофиа ва амнияти парлумон:
“Дар мавриди овардан ё наовардани Умаралӣ Қувватов ман чизе гуфта наметавонам. Дар хусуси даст доштани вай дар ҷиноят тафтиши ҳаматарафа меравад ва баъд вай дар додгоҳ муҳокима мешавад. Агар гунаҳкор бошад, дар асоси қонунҳои Тоҷикистон муҷозот мешавад.”

Бузургмеҳр Ёров, ҳуқуқшинос:
“Дар Тоҷикистон мисли дигар маҳкумшудагон ҳуқуқҳои ӯро маҳдуд мекунанд. Он дархосту шикоётеро, ки менависанд, низ рӯякӣ дида мебароянд. Ин дигар як таҷрубаи ҷаҳонӣ шудааст, ки дар Тоҷикистон маҳз бо ҳамингуна парвандаҳо муносибат карда истодаанд. Ҳар чизеро, ки додситон тасдиқ кунаду ба суд равон намояд, судяҳои мо ҳамин хел ҳукми судро мебароранд. Фикр мекунам, ҳеч вақт ин чиз одилона баргузор намешавад, чун судяҳои моро медонед, ки чигуна судяҳо ҳастанд. Ҳозир ба ягон судя фахр карда наметавонем, ки фалон судя ҳукми сафедкунанда баровард. Ҳол онки дар ҷомеаи ҷаҳонӣ зиёда аз 35 фоизи ҳукмҳои судӣ ҳукмҳои сафедкунанда ҳастанд, ки ин адолати судиро нишон медиҳад.”

Туроб Одилов, як масъули Додситонии кулл:
“Феълан чизе мушаххас нест ва дарбораи ӯ ман ягон чиз гуфта наметавонам. Вале дар сурати баргузории суд намояндаи мо бояд иштирок кунад.Агар Қувватов ба Тоҷикистон оварда шавад, пеш аз ҳама мо огоҳ мешавем. Ин ки парванда барои ӯ ташкил шудааст ё на, мо дарак надорем.”

Азиз Солиев, котиби матбуотии ваколатдор оид ба ҳуқуқи инсони “Омбудсмен”:
“Мо нигоҳ карда меистем, ки ояндаи Қувватов чӣ мешавад. Агар бинем ҳуқуқвайронкуние аз ҷониби суду дигар мақомот нисбат ба ӯ шавад, он гоҳ ягон чора мебинем. То зинаҳои судиро ӯ нагузарад, мо чизе гуфта наметавонем. Зеро ҳанӯз дақиқ нест, ки истирдоди вай чӣ мешавад. Ҳатто Афви байналмилал ҳам хостааст, то ӯ ба Тоҷикистон истирдод нашавад.”
Мӯҳр
Мардбача
Умарали Кувватовро агар ба Точикистон истирдод кунанд, уро азобу шиканчахои сахт ва хатто марг интизор аст, но вобаста ба ,ки чиноят содир кардааст ё на.
Лекин фаромуш накунанд, Умарали Кувватовхои дигар ба майдон меоянд ва хоханд омад.

точикбача бафикрам
ба фикри ман охиста охиста милати точика нобуд мекнан чан фоизаш турма мешад чан фоизаш ба ватан нахохад баргаштан ки дар дигар давлатхо мукими шудан !! бисёрихо дар мухочират хамавакт ..

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)