Русский  >>  فارسی  >>  Панҷшанбе 8 декабр 2016, 12:49

Ду “бомб”-и шаҳрванди Узбакистон 18,7 ҳазор доллар хисорот овард

19 апрел 2013, 15:33

Шаҳрванди Узбакистон дар як рӯз маркази савдо ва як манзили шахсиро дар Остонаи Қазоқистон “бомбгузорӣ” кард.

Департаменти умури дохилии Қазоқистон (ДУД) хабар медиҳад, ки соати 14:35 ба раёсати фаврии ин ниҳод дар Остона нафаре занг зада аз бомбгузорӣ шудани маркази савдои «Жаннур» иттилоъ додааст. Ба ҷои ҳодиса дар зудтарин фурсат роҳбарияти ДУД ва РКД ҳозир шуда, гуруҳи фаврӣ-ҷустуҷӯии департамент, кормандони полки қаровулии пулис, кинологҳо, гуруҳи махсуси «Арлан», ҳамчунин гуруҳи фаврии ҳолатҳои изтирорӣ ва амнияти миллиро сафарбар кардаанд.

Баъди аз бинои маркази савдо ба ҷои бехавф кӯч додани 750 нафар, мутахассисон тамоми утоқҳо ва атрофи биноро аз назар гузаронида, вале маводи мунфаҷира пайдо нашудааст. Соати 14:57 «террорист» дар як занги дигар гуфтааст, бомб дар ҷойи дигар - як манзили шахсӣ гузошта шудааст. Ин маълумот низ тасдиқи худро намеёбад.

Дар пайи чораҳои фаврӣ-ҷустуҷӯӣ пулис бо гумони додани маълумоти бардурӯғ шаҳрванди 23-солаи Узбакистонро дастгир кардааст. Гуфта мешавад, боздоштшуда қаблан чанд бор доғи судӣ гирифтааст. Ба хотири халал наёфтани раванди тафтишот аз ӯ ном бурда намешавад. Дар сурати собит шудани гуноҳи ӯ дар додгоҳ, вай то шаш сол аз озодӣ маҳрум хоҳад шуд.

Манбаъ гуфтааст, бо иттилои бардурӯғ боздоштшуда ба маблағи беш аз 2,8 миллион танга, муодили 18,7 ҳазор доллар хисорот расондааст ва ин маблағ аз гумонбар ситонда хоҳад шуд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!