Русский  >>  فارسی  >>  Сешанбе 6 декабр 2016, 20:55

Ваъдаи дигари ВКД барои пайдо кардани Маликаву Сабина

20 апрел 2013, 09:53

Вазорати умури дохилии Тоҷикистон эълом кард, ки касе Малика ва Сабина Араловаҳои хурдсолро пинҳон кардаасту “ба хубӣ” баргардонад, муҷозот нахоҳад шуд.

Ин ниҳод аз онҳое, ки Маликаву Сабинаро “аз рӯи нофаҳмӣ ё барқасдона, аз рӯи ягон хусумати шахсӣ ва ё кадом ҳиссиёти дигаре” дар ҷое пинҳон кардаанд, хост, ба соҳибонашон ё ба дилхоҳ мақомоти пулис баргардонанд. Дар ин сурат, ба қавли масъулони ВКД, ин фард ва ё афрод тибқи талаботи моддаи 130-и Кодекси ҷиноии Тоҷикистон аз ҷавобгарии ҷиноятӣ озод шуда, ба додгоҳ кашида нахоҳанд шуд.

Манбаъ илова мекунад, ба ҷуз аз ин, барои баргардонидани кӯдакон ва ё хабар додани ҷойи нигоҳдории онҳо аз тарафи Вазорати умури дохилӣ ҷоиза муайян шудааст. Ин дар ҳолест, ки чанд рӯз қабл, сафири Иёлоти Муттаҳидаи Амрико дар Душанбе ба вазири умури дохилии Тоҷикистон, Рамазон Раҳимов гуфта буд, омодаанд, барои пайдо кардани Малика ва Сабина Араловаҳо кормандони Хадамоти кашфи Амрико (ФБР)-ро биёранд. Ёдовар мешавем, ин ду духтари хурдсол рӯзи 25-уми март, тақрибан соати 16-00 аз кӯчаи Айнии пойтахт бедарак шуда, то ҳол мақомот ва гурӯҳи ихтиёриён ба дарёфти онҳо ноил нашудаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • matin

  • 20 апрел 2013 11:41
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
in vazorati umuri doxilii tolikiston ba monandi davraai podshohi elon kardaast. in namud elom in uhdanabaroii onhoro mefahmonad. ayb ast ba shani yak davlat. mo duzdoni xudro nametonem yofta kujo josusoni digar davlatro yobem/ sharmam omad

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!