Русский  >>  فارسی  >>  Сешанбе 6 декабр 2016, 05:45

Муддаии курсии холишудаи парлумон алайҳи “облава”

20 апрел 2013, 12:58

Раҷаби Мирзо, муддаии курсии холишудаи парлумон дар ҳавзаи интихоботии №39-и Восеъ, мегӯяд, бештари интихобкунандагон дар сӯҳбат бо ӯ аз “облава” ё даъвати иҷбории ҷавонон ба сафи артиш шикоят кардаанд.

Дар ҳоле ки ба қавли оқои Мирзо, “мо гуфтем, ин амал ғайриқонунӣ буда, ягон ҷанбаи ҳуқуқӣ надорад. Ин амали шахсони масъул аз он шаҳодат медиҳад, ки дар иҷрои кори худ ноӯҳдабаро ҳастанд. Онҳо, баръакс, бо ин амалашон чунин вонамуд мекунанд, ки Артиши мо як ҳолати даҳшатзо дорад, ва ҷавонон ихтиёран рафтаву хидмат карда наметавонанд.”

Роҳбари маркази сотсиологии “Бозтоб” ва муассиси нашрияи “Рӯзи нав”, ҳоло барои соҳиб шудан ба курсии холимондаи Рустам Латипов дар Маҷлиси Намояндагон талош дорад. Рустам Латипов, намояндаи Ҳизби аграрӣ ё кишоварзии Тоҷикистон дар парлумон, пас аз он ки раиси ноҳияи Восеъ таъин шуд, курсияшро холӣ гузошт.

Раҷаби Мирзо дар ин интихоботи миёндаврӣ, ки панҷуми майи соли ҷорӣ баргузор мешавад, аз роҳи худпешбарӣ иштирок мекунад. Ӯ дар сӯҳбат бо мо гуфт, то кунун бо бисёре аз интихобкунандагон дидору мулоқот анҷом дода, ба онҳо гуфтааст, дар муддати як сол ба ваъдаҳояш вафо хоҳад кард. Вагарна, ба гуфтаи ӯ, ҳозир аcт бечунучаро аз ваколаташ дар Маҷлиси Намояндагон даст бикашад.

“Имрӯз (20 апрел) дар як бунгоҳи тиббӣ ва дар рустои Ибрати ноҳияи Восеъ бо интихобкунандагон суҳбат намудам. Мавзӯи сӯҳбати мо масъалаи интихобот ва шиносоӣ бо интихобкунандагон буд. Ман ба ҳар яки эшон рақамҳои телефон ва визиткаи худамро дода ва ваъда супурдам, ки агар маро вакили худ дар парлумон интихоб кунанд, ҳар мушкиле, ки доранд метавонанд ба ман бирасонанд. Ман дар навбати худ метавонам мушкили эшонро масъалагузорӣ кунам, зеро депутат ҳамингуна ҳақро дорад. То анҷоми ваколати вакили ин курсӣ ду соли дигар боқӣ мондааст ва ман гуфтам, барои як сол ваъда медиҳам. Ҳар ваъдае, ки ман медиҳам агар дар муддати як сол иҷро накардам, омодаам, ки истеъфо диҳам”,-афзуд ӯ.

Ин хабарнигори шинохтаи тоҷик бори дувум аст, ки барои ворид шудан ба парлумони Тоҷикистон талош мекунад. Ӯ дар интихоботи парлумонии соли 2005 низ номзадияшро дар шаҳри Душанбе гузошта, вале натавониста буд вориди парлумон гардад.


Шарҳи худро бинависед:

Ном:*
E-Mail:
Матни шарҳ:
Посух додан
  • dd

  • 20 апрел 2013 13:29
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Восеъ, ки худ аз пасмондагони факиртарини кишвар ба шумор меравад дар мудати як сол аз кадом хисоб метавон ваъдаро вафо кард? Сол то сол бад шудавни дарёи ёхсу, хаку нохак таксим кардани заминхои кишт, бемории сил, набудани корхонахои саноати, пурра забт крдани фермерхо аз заминхои хочаги, ва садхо иншооти давлати дар хама дехотхо дорухонаву богча китобхонаву кулубхо ки хусуи гаштанд пас баркарор кардни ин дар мудати 366 руз мутмаини, ки пас мегардад?????
Посух додан
  • Интихобкунанда

  • 22 апрел 2013 12:10
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мухтарам вакили оянда мо ҷавоби шуморо ба саволи bb интизорем...

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!