Амрико ва Осиёи Марказӣ: Дӯстони нонӣ, забонӣ ё ҷонӣ?
Бархе аз коршиносони қазоқ мегӯянд, ки Амрико дар бораи кишварҳои Осиёи Миёна дидгоҳҳои мухталиф дошта, равобити худ бо ин давлатҳоро дар асоси манофеаш асос мегузорад.
Дасим Сатпоев, коршиноси масоили минтақавии қазоқ, бо ишора ба сафари қарибулвуқӯи Роберт Блейк, муовини вазири умури хориҷии Амрико, ба Узбакистону Қазоқистон гуфтааст: “Узбакистон барои Амрико сипари минтақавӣ маҳсуб меёбад, ки қарор аст, аксари аслиҳа ва нерӯҳои НАТО аз қаламрави ин кишвар аз Афғонистон берун бурда шаванд. Аз ин рӯ, Узбакистон шарики муҳими сиёсӣ ва низомӣ барои Амрико ба шумор меравад, ки бо ҳамсоякишварҳои худ равобити сард дорад.”
Ба гуфтаи Сатпоев, Қазоқистон барои Амрико танҳо ҳамчун миёнарав лозим мебошад. “Остона дар сиёсати хориҷии Амрико ҳамчун миёнарав маҳсуб мебошад, ки бо Тоҷикистону Қирғизистон равобити хуб дорад. Ба ҳамин хотир, Амрико талош дорад, то аз дипломатияи Қазоқистон барои расидан ба аҳдофи худ истифода намояд»,-афзудааст ӯ.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |